QMDB JASTAR ISI SEKTORYNYŃ JAŃA MEŃGERÝShISI ELORDA MAMANDARYMEN KEZDESTI

Astanadaǵy «Áziret Sultan» meshitinde QMDB Jastar isi sektorynyń jańadan taǵaıyndalǵan meńgerýshisi Nurbolat Sovethanov elorda meshitteriniń osy salaǵa jaýapty mamandarymen kezdesti.

Basqosýǵa Astana qalasynyń Bas ımamy Nurbek qajy Áýeshanuly, Astana qalasy Jastar isi sektorynyń jetekshisi Shalqar Joldy qatysty.

Bas ımam Nurbolat Serikulyn jańa qyzmetimen quttyqtady. Eńbegine bereke tilep, bul baǵyttyń jaýapkershiligi zor ekenin eske saldy.

«Jastar isi – úlken jaýapkershilikti talap etetin mańyzdy baǵyt. Óıtkeni jastar – qoǵamnyń qozǵaýshy kúshi, eldiń erteńi. Olardyń dinı saýatty, tárbıeli, bilimdi ári otanshyl bolyp qalyptasýyna úles qosý – barshamyzdyń ortaq mindetimiz», – dedi Nurbek qajy Áýeshanuly.

Bas ımam jas býynnyń talap-tilegin, zaman aǵymyn eskerip, bastamalaryn qoldaý qajet ekenin aıtty. Bilim jetildirý, qoǵamdyq belsendilikti arttyrý, qaıyrymdylyqqa baýlý qatar júrýi tıis.

Sektor meńgerýshisi Nurbolat Serikuly da ortaq jobalardy talqylap, elordalyq áriptesterimen birlesip, jastardyń basyn biriktiretin bastamalardy júzege asyrýǵa nıetti ekenin jetkizdi.