QOSShY QALASY TURǴYNDARYMEN TAǴYLYMDY KEZDESÝ ÓTTI (FOTO)

QMDB Astana qalasy ókildigi men Qosshy qalasy ákimdigi «Jastar resýrstyq ortalyǵy» KMM birlese otyryp, Elorda mańyndaǵy Qosshy qalasynda «Izgi qoǵam jáne biz» atty rýhanı kesh ótkizdi.

Taǵylymdy kezdesýge Qosshy qalasynyń turǵyndary, stýdentter men oqýshylar qatysty.

Búgingi sharanyń negizgi maqsaty –  izgi qoǵam qalyptastyrýda «biz» ne isteı alatynymyzdy oılaýǵa ıtermeleıdi. Sondyqtan, jıylǵan qaýymǵa   «Qaıyrymdy qala turǵyndary» shyǵarmasynyń avtory Ábý Nasyr ál-Farabı týraly derekti fılm kórsetilip, ıgi sharanyń mán-mańyzyn ashyla tústi.

Taǵylymdy kezdesýdi Qosshy qalasy ákiminiń orynbasary Bergen Jumkeıuly alǵy sóz sóılep ashyp berse, keıinnen QMDB Astana qalasynyń ókil ımamy Erbolat Nuryldauly sóz alyp, búgingi sharanyń mańyzdylyǵyn atap ótti. Arnaıy shaqyrylǵan qonaq QMDB «Halal Damý» ortalyǵynyń dırektory dırektory Aıbek Asqarbekuly «Adal astyń mańyzy» týraly dáris oqyp, jıi tutynatyn, densaýlyqqa zııan taǵamdardan bas tartýǵa shaqyrdy. Izgi qoǵam qalyptastyrýda ınternetke táýeldilik jolǵa tusaý bolatynyn eskergen Qosshy qalasyndaǵy «Bógenbaı batyr» meshitiniń bas ımamy  Tólegen Arǵynbaıuly bos ýaqytty tıimdi paıdalaný týraly ýaǵyz-nasıhat aıtty. Sondaı-aq, rýhanı keshke aıtysker aqyn, jyrshy, termeshi Erkebulan Qaınazarov ta qatysyp, musylman jurtshylyqqa ánnen shashý shashyp, óz arnaýyn oqydy.

Jastardyń týra joldan  adasyp, kóldeneń kók attyǵa erip ketpeýin eskergen uıymdastyrýshylar dintanýshy, teolog Abzal Sardenulyn shaqyrtyp, jat aǵymnan saqtaný joldary týraly aqparatpen bólisti.

Túrli aqparatqa qanyqqan jurtshylyq kesh barysynda ulttyq kúsh sport túrleriniń sheberi, rekordsmen Arman Kósherbaıulynyń ónerin tamashalady.

Qasıetti Ramazan aıynda ótkizilgen ıgi sharanyń sońynda orazaǵa qatysty vıktorınalyq suraqtar qoıylyp, syılyqtar berildi.

Qosshy qalasynyń ákimi izgi sharanyń ótýine uıytqy bolǵan barlyq uıymdastyrýshylar men qonaqtarǵa alǵys hat tabystap, óz rızashylyǵyn bildirdi.