QR Prezıdenti men Elbasy Abaıdyń 175 jyldyǵyna arnalǵan merekelik sharalardy resmı túrde bastap berdi
Memleket basshysy Qasym-Jomart Toqaev pen Qazaqstannyń Tuńǵysh Prezıdenti – Elbasy Nursultan Nazarbaev qazaqtyń uly oıshyly, ǵulama aqyn Abaı Qunanbaıulynyń 175 jyldyq mereıtoıynyń bastalýyna arnalǵan saltanatty sharaǵa qatysty.«Astana Opera» sahnasynda Abaı ánderi shyrqaldy Bul týraly Aqordanyń baspasóz qyzmeti habarlady. Qasym-Jomart Toqaev pen Nursultan Nazarbaev elimizdiń barlyq óńirinde jáne shetelderde jyl boıyna ótetin merekelik sharalardy resmı túrde bastap berdi.
«Qazaq halqy – Abaıdyń halqy» atty merekelik kontsert «Astana opera» memlekettik opera jáne balet teatrynda ótti.
Kontsert baǵdarlamasyna Abaıdyń barlyq mýzykalyq murasy engen. Aqyn shyǵarmalaryn KSRO jáne Qazaqstannyń halyq ártisteri Asanáli Áshimov, Álibek Dinishev, Roza Rymbaeva, belgili mádenıet qaıratkerleri Maıra Muhamedqyzy, Aıman Musaqojaeva, Berik Aıtjanov, sondaı-aq, halyqaralyq jáne respýblıkalyq baıqaýlardyń laýreattary men talantty jastar oryndady.
