QURAN KÁRIMDI JATQA OQÝ BOIYNShA QYZDAR ARASYNDA III RESPÝBLIKALYQ BAIQAÝ ÓTEDI

01 maýsym 2023 1321 0
Оqý rejımi

Qazaqstan musylmandary dinı basqarmasynyń uıymdastyrýymen Almaty qalasynda Quran Kárimdi jatqa oqýdan qyzdar arasynda III respýblıkalyq baıqaý ótedi.

Qyzdar arasynda Quran Kárimdi jatqa oqýdan II respýblıkalyq baıqaý qarılardyń Quran Kárimdi oqý jáne jattaý deńgeıin kóterý, ózara tájirıbe almasý, musylman jamaǵatynyń quranı saýatyn kóterý arqyly qoǵamnyń rýhanııatyn arttyrý maqsatynda uıymdastyrylyp otyr. Jarysqa qatysýshy qyzdar Qurannyń 30, 20, 10 jáne 5 para nomınatsııalary boıynsha baq synaı alady. Úmitkerlerdiń qujattary osy jyldyń 15 mamyryna deıin qabyldanady.

 

Úmitker qyzdarǵa qoıylatyn talaptar:

  1. Úmitkerdiń QR azamaty bolýy;
  2. áıel kisi bolýy;
  3. ár nomınatsııada talap etiletin paralardy tolyq jattaýy;
  4. jarysqa qatysýshynyń jattaǵan paralary tolyq bolýy kerek, ıaǵnı eki jerden jarty-jarty parany biriktirip usynýǵa bolmaıdy.
  5. jarysqa qatysý qujattaryn uıymdastyrýshylar belgilegen merzimde tapsyrýy;
  6. úmitker bir nomınatsııaǵa ǵana qatysa alady;
  7. úmitker óz oblysynda ótkiziletin aldyn ala irikteý saıysynda I-oryn alǵan jaǵdaıda jarysqa joldama ala alady;
  8. ár oblystan bir nomınatsııaǵa bir úmitker usynylady (barlyǵy 4 úmitker);
  9. irikteýden ótken úmitker nomınatsııasyn aýystyra almaıdy;
  10. aqtyq saıysqa kelgen úmitker jarysqa qatysýdan bas tartýyna bolmaıdy;
  11. úmitkerdiń jasy 30-dan aspaǵan bolýy;
  12. Tolyq Qurandy jatqa oqý nomınatsııasy boıynsha Respýblıkalyq, Halyqaralyq jarystarda júldeli oryn (1 oryn) almaǵan bolýy kerek;
  13. 2022 jylǵy II Respýblıkalyq Quran jarysyndaǵy 5-10 jáne 20 paralary boıynsha jeńimpazdar (1 oryn) tek joǵary nomınatsııalarǵa ǵana qatysa alady.

 

Talap etiletin qujattar:

  • Anketa (bekitilgen úlgi boıynsha);
  • jeke kýálik (pasport) kóshirmesi;
  • 1- oryn sertıfıkatynyń kóshirmesi;
  • QMDB-nyń óńirdegi ókil ımamynyń usynys haty.
     

Nomınatsııalary:

  1. Tolyq Qurandy jatqa oqýdan;

1-oryn (1 500 000 tg.)

2-oryn (1 200 000 tg.)

3-oryn (1 000 000 tg.)

 

  1. Qurannyń 20 parasyn jatqa oqý boıynsha;

1-oryn (1 000 000 tg.)

2-oryn (800 000 tg.)

3-oryn (600 000 tg.)

 

  1. Qurannyń 10 parasyn jatqa oqý boıynsha;

1-oryn (600 000 tg.)

2-oryn (400 000 tg.)

3-oryn (300 000 tg.)

 

  1. Qurannyń 5 parasyn jatqa oqý boıynsha;

1-oryn (400 000 tg.)

2-oryn (300 000 tg.)

3-oryn (200 000 tg.) 

 

Jalpy júlde – 8 300 000 tg.

 

Uıymdastyrýshylar:

  • Qazaqstan musylmandary dinı basqarmasy;
  • QMDB Almaty qalasy ókildigi (jumysshy apparat);
  • QMDB-nyń oblystardaǵy ókildikteri.

 

Jaýapty tulǵanyń baılanys málimetteri:

Qajylyq bóliminiń meńgerýshisi – Jándillá Mamythanuly

Tel: +7 701 477 07 17.

e-mail: quran@muftyat.kz

Pіkіrler Kіrý