QURAN KÁRIMDI JATQA OQÝ BOIYNShA QYZDAR ARASYNDA V RESPÝBLIKALYQ BAIQAÝ ÓTEDI

Qazaqstan musylmandary dinı basqarmasynyń uıymdastyrýymen Quran Kárimdi jatqa oqýdan qyzdar arasynda V respýblıkalyq baıqaý ótedi.

Alla Taǵala Quran Kárimde ıgilikte jarysýdy buıyrǵan bolatyn. Iaǵnı Allanyń kálamyn jattaý men oqý arqyly jarysýǵa úndedi. Haq Taǵalanyń osy úndeýin oryndaý maqsatynda, Qazaqstan musylmandary dinı basqarmasy Qyzdar arasynda besinshi baıqaýdy 25-26 sáýir aralyǵynda Túrkistan qalasynda ótkizedi.

Qyzdar arasynda Quran Kárimdi jatqa oqýdan V respýblıkalyq baıqaý qarılardyń Quran Kárimdi oqý jáne jattaý deńgeıin kóterý, ózara tájirıbe almasý, musylman jamaǵatynyń quranı saýatyn kóterý arqyly qoǵamnyń rýhanııatyn arttyrý maqsatynda uıymdastyrylyp otyr. Jarysqa qatysýshy qyzdar Qurannyń 30, 20, 10 jáne 5 para nomınatsııalary boıynsha baq synaı alady. Úmitkerdiń qujattary 2026 jyldyń 16 sáýirine deıin qabyldanady.

Úmitker qyzdarǵa qoıylatyn talaptar:
– úmitkerdiń Qazaqstannyń azamaty bolýy mindetti;
– áıel adam bolýy shart;
– úmitkerdiń jasy 30-dan aspaǵan bolýy qajet;
– úmitker bir nomınatsııaǵa ǵana qatysa alady;
– ár nomınatsııada talap etiletin paralardy tolyq jattaýy tıis;
– jarysqa qatysýshynyń jattaǵan paralary tolyq bolýy kerek, ıaǵnı eki jerden jarty-jarty parany biriktirip usynýǵa bolmaıdy;
– jarysqa qatysý qujattaryn uıymdastyrýshylar belgilegen merzimde tapsyrýy kerek;
– úmitker óz oblysyndaǵy QMDB ókildiginiń joldamasymen kelýi shart;
– ár oblystan bir nomınatsııaǵa bir úmitker usynylady (barlyǵy 4 úmitker);
– Qurandy jatqa oqý nomınatsııasy boıynsha respýblıkalyq jarystardyń júldegerleri jarysqa qatysa almaıdy.

Úmitker qyzdardan talap etiletin qujattar:
– anketa (bekitilgen úlgi boıynsha);
– jeke kýálik (pasport) kóshirmesi;
– QMDB-nyń óńirdegi bas ımamynyń usynys haty (joldamasy).

Uıymdastyrýshylar:
Qazaqstan musylmandary dinı basqarmasy;
QMDB Túrkistan oblystyq ókildigi;
QMDB-nyń oblystardaǵy ókildikteri.

Qosymsha suraqtar úshin:
Ahmetov Serik qarı (+77027583858)