QURBAN-2022 jobasy talqylandy (FOTO)

Elordada musylmandardyń ulyq merekesi Qurban aıtqa oraı uıymdastyrylatyn QURBAN-2022 qaıyrymdylyq aktsııasynyń jumys barysy talqylandy.

Dinı basqarmanyń ortalyq apparatynda ótken jıynǵa QMDB Tóraǵasynyń orynbasary, naıb múftı Ershat Ońǵar, bólim basshylary jáne Qurban aıtqa oraı qurylǵan jumys tobynyń jaýapty mamandary, meshit ımamdary qatysty.

«Ózderińizge belgili, buǵan deıingi eki jylda qurbandyq shalýdy onlaın formatynda da júzege asyrdyq. Byltyrǵy meıramdaǵydaı bıyl da qurbandyq shalý oflaın jáne onlaın formatta júzege asyrylmaq. Aıt kúnderindegi qasaphanalardyń tazalyǵy, muqtajdarǵa et taratýmen qatar mal soıylǵannan keıin onyń ishek-qarnyn tazalaý, bas-sıraǵyn úıitip, terisin de aıaqasty etpeı qajetke jaratýdyń mańyzdy ekenin eske salamyz. Sondaı-aq qurban shalýǵa onlaın tapsyrys berý úshin qolǵa alynǵan saıt jumysyn jetildirip, aldaǵy kúnderi iske qosýǵa tıispiz», – dedi Ershat Aǵybaıuly.

Jıyn barysynda jaýapty mamandarǵa berilgen tapsyrmalar talqylanyp, atqarylǵan jumystar baıandaldy.   

​