«QURBAN 2026» QORYTYNDYSY: QMDB 66 905 OTBASYǴA QURBANDYQ ETIN TARATTY
Osy jyldyń 27-29 mamyr aralyǵynda elimizde Qurban aıt merekesine oraı Qazaqstan musylmandary dinı basqarmasy «Qurban 2026» respýblıkalyq qaıyrymdylyq aktsııasyn uıymdastyrdy.
QMDB Tóraǵasy, Bas múftı Naýryzbaı qajy Taǵanulynyń bastamasymen qurylǵan arnaıy respýblıkalyq shtab qurban shalý rásimderin júıeli túrde úılestirip, búkil el boıynsha aýqymdy qaıyrymdylyq jumystaryn atqardy.
Azamattar qurbandyq shalý úshin QURBAN.MUFTYAT.KZ saıty arqyly onlaın tapsyrys berip, sonymen qatar jergilikti qasaphanalarda oflaın túrde de qurban shalýǵa múmkindik aldy.
Qurbandyq shalý barysynda respýblıka kóleminde jalpy sany 20 449 mal qurbandyqqa shalyndy. Atap aıtqanda, 17 781 bas qoı, 1 358 bas eshki, 1 283 iri qara jáne 27 túıe qurbandyqqa shalyndy. Qurbandyq etteri arnaıy qabyldaý pýnktterine jınalyp, din qyzmetkerleri men eriktilerdiń qatysýymen muqtaj jandarǵa úlestirildi.
Qoryta aıtsaq, elimiz boıynsha Qurban aıt kúnderi QURBAN.MUFTYAT.KZ saıtyna 1 799 tapsyrys berildi. Respýblıka boıynsha 809 adamnan quralǵan birneshe shtab úzdiksiz jumys atqardy.
Nátıjesinde 66 905 otbasyǵa qurbandyq eti jetkizilip berildi. Buǵan qosa, arnaıy soıylǵan maldyń etteri elimizdegi 2019 áleýmettik mekemege – múmkindigi shekteýli jandar qorlaryna, zaǵıptar qoǵamyna, aýrýhanalar men qarttar úılerine taratyldy.
