QURBAN AIT QARSAŃYNDA ONKOLOGIIaMEN AÝYRATYN BALALARǴA QÝANYSh SYILADY

KÓKTAL MEShITI QURBAN AIT QARSAŃYNDA ONKOLOGIIaMEN AÝYRATYN BALALARǴA QÝANYSh SYILADY

Qasıetti Qurban aıt merekesine oraı Kóktal meshitiniń uıymdastyrýymen onkologııamen aýyratyn balalarǵa arnalǵan qaıyrymdylyq sharasy ótkizildi.

Igi shara Kóktal meshitiniń jastar sektorynyń jaýapty jetekshisi Berdimýratov Hýrsan ustazdyń bastamasymen júzege asyp, 160 balaǵa qajetti gıgıenalyq quraldar men kókónis ónimderi tabystaldy. Sonymen qatar balalarǵa arnaıy syılyqtar usynylyp, merekelik kóńil-kúı syılandy.

Sharanyń basty maqsaty – syrqat balalarǵa rýhanı qoldaý kórsetip, olardyń júregine úmit pen qýanysh uıalatý. Balalar men olardyń ata-analary kórsetilgen qamqorlyqqa rızashylyqtaryn bildirip, uıymdastyrýshylarǵa alǵystaryn jetkizdi.

Qaıyrymdylyq – Islam dininiń asyl qundylyqtarynyń biri. Osy turǵyda Hýrsan ustaz bastaǵan jastardyń ıgi isi qoǵamdaǵy meıirim men janashyrlyqtyń jarqyn úlgisine aınalyp otyr. Mundaı sharalar muqtaj jandarǵa demeý bolyp qana qoımaı, qoǵamdaǵy ózara qamqorlyq pen baýyrmaldyqty nyǵaıta túsedi.

Alla Taǵala jasalǵan qaıyrly amaldardy qabyl etip, el ishindegi birlik pen meıirimdi arttyrǵaı!

Источник: Aisha