Qurban aıttyń úshinshi kúni 48 252 otbasyǵa et taratyldy (FOTO)

Qurban aıttyń úshinshi kúni respýblıka boıynsha 48 252 muqtaj otbasyǵa qurbandyq eti jetkizildi.

Respýblıka boıynsha 11 689 qoı, 981 eshki, 706 iri qara jáne 1 túıe shalynsa, aıttyń sońǵy kúni qurban2022.kz saıty arqyly qurban shalýǵa 208 tapsyrys kelip túsken. Onlaın tapsyrys berý boıynsha 170 qoı, 26 eshki, 2 iri qara jáne 7 adam birigý arqyly 10 iri qara qurbandyqqa shalyndy.

Elimiz boıynsha qurban2022.kz saıtyna qashyqtan qurban shalýǵa tapsyrys bergen azamattardyń ýákildik qurbandyǵy tolyǵymen oryndaldy. Osy ýákildik qurbandyǵynyń esebi, ıaǵnı, atqarylǵan is-sharalardyń foto, vıdeo málimeti tolyq jiberildi.

Eske sala keteıik, bıyl elimizde qurban shalý rásimi oflaın jáne onlaın formatta atqaryldy. Shalǵan qurbandyq, izgi nıet qabyl bolsyn!

​