Qytaı musylmandary meshittiń súrilýine qarsy sherýge shyqty

Qytaı eliniń Nınsıa provıntsııasyndaǵy VEıchjoý Ortalyq meshitin bılik ókilderi zańsyz salynǵan dep taýyp, jaqynda súrip tastaýǵa sheshim shyǵarǵan bolatyn. Nınsıa provıntsııasy bıliginiń bul sheshimine qatysty quqyqqorǵaýshylar uıymdary musylmandarǵa jasalǵan taǵy qysym túri dep baıbalamdaýdan basqa aıtary bolmaı otyr.

Al, provıntsııa basshylary bolsa, VEıchjoý meshitiniń sáýleti qala kelbetine sáıkespeıdi degendi ýáj qylyp alǵa tartýda.

Alaıda, qulshylyq ordasynyń súrilip tastaýyna jergilikti musylman qaýymy qarsylyq tanytyp, 9-tamyz kúni Ortalyq meshit janynda narazylyq sherýin ótkizdi. Besin namazynan bastap kesh túskenge deıin meshit aldynan tarqamaǵan narazylyq sherýi aqyr sońynda provıntsııa basshylarynyń ázirge qulshylyq ordasyn buzbaý týraly ýádesine qol jetkizgen.