Qyzdar arasynda II Respýblıkalyq qarılar baıqaýynyń jerebesi tartyldy (FOTO)
Qazaqstan musylmandary dinı basqarmasynyń uıymdastyrýymen Quran Kárimdi jatqa oqýdan qyzdar arasyndaǵy II respýblıkalyq baıqaýdyń jerebe tartý rásimi ótti.
Elorda tórindegi «Ábý Nasyr ál-Farabı» meshitinde ótken jerebe tartý rásimine tóreshiler, úmitkerler men qarı ustazdar, sondaı-aq baıqaý uıymdastyrýshylary qatysty.
Naýryz aıynyń 9-10 kúnderi Qazaqstan musylmandary dinı basqarmasynyń «ál-Farabı» zalynda ótetin baıqaýda qarılar 5 para, 10 para, 20 jáne 30 parany jatqa oqýdan baq synaıdy.
«Qazir álem boıynsha áıel qarılar arasyndaǵy eń jasy – 4 jasta bolsa, Qurandy tolyq jattaǵan eń egde qarı 67 jasta eken. Osy baıqaýǵa qatysý úshin elimizdiń túkpir-túkpirinen keldińizder. Alla Taǵala qadamdaryńyzǵa mol saýaptan jazyp, baıqaýymyzǵa bereke bersin! Barshańyzdy jarysqa saqadaı saı degen senimdemiz. Sáttilik tileımiz», – dedi Dinı bilim jáne kadr daıarlaý bóliminiń meńgerýshisi Smaıyl Seıtbekov.
Aıta keteıik, baıqaýǵa 47 qarı qatyssa, olardyń eń jasy 11 jasta bolsa, eń úlkeni – 27-de.