«Raısa ana» meshitinde saltanatty jıyn ótti

«Raısa ana» meshitiniń Áıel-qyzdar sektorynyń uıymdastyrýymen «Quranmen nurlanǵan júrekter» atty rýhanı is-shara ótti.

Saltanatty jıynnyń maqsaty – qatysýshylardyń Quranǵa degen súıispenshiligin arttyrý, rýhanı qundylyqtardy nasıhattaý jáne júrekterge ıman nuryn uıalatý.

Is-shara barysynda qasıetti Quran aıattary oqylyp, olardyń maǵynalary jan-jaqty túsindirildi. Sondaı-aq, qatysýshylarǵa taǵylymdy oılar men ýaǵyz-nasıhat aıtyldy. Túrli tanymdyq oıyndar uıymdastyrylyp, qatysýshylarǵa syı-sııapattar tabystaldy.

Keshtiń erekshe sátteriniń biri – Qurandy meńgergen qyzdarǵa sertıfıkattar men Quran kitaptarynyń tabystalýy jáne táj kııý rásiminiń ótkizilýi boldy.

Jıyn sońynda qatysýshylar ózara pikir almasyp, rýhanı áserge bólenip, jyly kóńil-kúımen tarqasty.