RAMAZAN-2026: ALǴAShQY ON KÚNDE TARAÝIH NAMAZDARYNDA 15 505 ÝAǴYZ-NASIHAT AITYLDY
Bul týraly búgin Bas múftı Naýryzbaı qajy Taǵanulynyń tóraǵalyǵymen ótken Qazaqstan musylmandary dinı basqarmasynyń Tóralqa májilisinde Ýaǵyz-nasıhat bóliminiń mamany Qazybek Anýarbekuly habarlady.
«Ýaǵyz-nasıhat» baǵyty boıynsha Ramazan aıynda jamaǵattyń rýhanı tanymyn arttyrý maqsatynda taraýyq namazynan buryn «Otyz kúnge – otyz ýaǵyz» jobasy aıasynda elimizdiń barlyq óńirlerinde júıeli túrde ýaǵyz-nasıhat jumystary júrgizilýde. Atalǵan joba sheńberinde meshitterde kún saıyn jamaǵatqa Ramazan aıynyń qundylyqtary, sabyr, taqýalyq, qaıyrymdylyq jáne izgi amaldar týraly nasıhat aıtylyp, jalpy sany 15 505 ýaǵyz-nasıhat uıymdastyryldy. Nátıjesinde bul nasıhat jumystary arqyly 227 541 adam qamtyldy.
Sonymen qatar aýyzashar dastarhandary barysynda da jamaǵatqa taǵylymdy ýaǵyz-nasıhattar aıtylyp, Ramazan aıynyń rýhanı mańyzy keńinen túsindirilýde. Óńirlerde uıymdastyrylǵan aýyzasharlarda barlyǵy 5 346 ýaǵyz-nasıhat aıtylyp, 645 070 adamǵa nasıhat jumystary júrgizildi»,- dedi Qazybek Anýarbekuly.
