Ramazanǵa oraı meshit meıramhanasynyń jabdyqtary túgeldeı jańartyldy (FOTO)

Astana qalasyndaǵy respýblıkalyq «Áziret Sultan» meshiti ashylǵaly beri qasıetti Ramazan aıy boıy jamaǵatqa tegin aýyzashar uıymdastyryp, saýapty iske sebepker bolyp keledi.  Arnaıy uıymdastyrylǵan aktsııa aıasynda Bas meshitte bıylǵy jylǵa deıin kún saıyn 500 janǵa dastarhan jaıylyp kelgen bolatyn.

QMDB tóraǵasynyń birinshi orynbasary, naıb múftı, «Áziret Sultan» meshitiniń bas ımamy Naýryzbaı qajy Taǵanulynyń bastamasymen bul ıgi sharanyń aýqymy bıylǵy jyly burynǵysynan da keńeıip, aýyzashar dastarhany 800 adamǵa arnalyp jaıylatyn bolmaq.

Sondaı-aq, Naýryzbaı qajy Taǵanulynyń tapsyrmasy negizinde Mumtaz meıramhanasy qasıetti Ramazan aıynyń qurmetine oraı qasyq-shanyshqydan bastap, oryndyq-ústelge deıingi barlyq jabdyqtaryn jańalap, múbárak aıǵa erekshe daıyndyqpen kiristi. 

Sýretterdi «FOTOGALEREIa» aıdarynan kóre alasyzdar!