RANT MÚShESI ASTANA QALASYNDA NASIHAT JUMYSTARYN JÚRGIZDI

Astana qalasy ókildiginiń uıymdastyrýymen RANT múshesi Bekzat Azatbekulynyń qatysýymen dinı-aǵartý baǵytyndaǵy kezdesýler ótti.

RANT múshesi elordada bolǵan eki kúndik sapary barysynda meshit jamaǵatymen, dinı bilim alyp júrgen shákirttermen jáne din qyzmetkerlerimen kezdesip, túrli taqyryptarda ýaǵyz-nasıhat júrgizdi.

Atap aıtqanda, «Áziret Sultan» meshitinde ıhsan jáne jastar isine jaýapty mamandarǵa arnalǵan «Ýaǵyz aıtýdyń ádebi men mádenıeti» taqyrybynda semınar ótti. Kezdesýde ýaǵyz aıtý mádenıeti men din qyzmetkeriniń qoǵam aldyndaǵy jaýapkershiligine qatysty máseleler qamtyldy.

Sonymen qatar «Ál-Ǵanı» meshitinde besin namazynyń aldynda jamaǵatpen kezdesip, «Mázhab ustanýdyń musylman ómirindegi mańyzy» taqyrybynda ýaǵyz aıtty.

RANT múshesi «Hýsamıddın ás-Syǵanaqı» atyndaǵy ıslam ınstıtýtynyń shákirtterimen júzdesip, «Bilim men tárbıeniń mańyzy» taqyrybynda oı bólisti. Al Astana medrese-kolledjiniń shákirtterimen ótken kezdesýde «Bilim jolyndaǵy sabyrlyq. Alla razylyǵyna jetkizetin amaldar» taqyryby qozǵaldy.

Sondaı-aq №64 mekemesiniń ýaqytsha tergeý ızolıatorynda «Din men dástúr sabaqtastyǵy» taqyrybynda kezdesý uıymdastyryldy. Kezdesýge RANT múshesimen birge Dinı ońaltý bóliminiń Astana qalasy boıynsha jaýapty mamany Raqymqazy Qabdysalym qatysty.

Elorda meshitterinde ótken kezdesýler barysynda jamaǵatqa «Quran jáne súnnet jolymen júrý degen ne?», «Baqytty otbasynyń syry nede?» taqyryptarynda ýaǵyz aıtyldy. Sonymen birge «Sádýaqas qajy Ǵylmanı» meshitinde asyr namazynan keıin, «Aq meshitte» aqsham namazynan soń jamaǵatpen júzdesýler ótti sondaı-aq qasıetti juma kúni «Ál-Fattah» meshitinde juma ýaǵyzyn aıtyp, jamaǵatpen júzdesti.

RANT múshesiniń elordadaǵy dinı-aǵartý kezdesýleri barysynda bilim alý, dinı saýattylyq, otbasy qundylyǵy, dástúr men din sabaqtastyǵy, mázhab ustaný jáne Quran men súnnetti durys túsiný máseleleri qamtyldy.

Источник: Aisha