RESPÝBLIKALYQ AQPARATTYQ-NASIHAT TOBYNYŃ MÚShESI ASTANA MEShITTERINDE NASIHAT JÚRGIZDI

QMDB Respýblıkalyq aqparattyq-nasıhat tobynyń múshesi Qanatqalı Takırov jumys saparymen Astana qalasyna kelip, elorda meshitteri men birqatar mekemelerde jamaǵatpen kezdesýler ótkizip, dinı-aǵartýshylyq nasıhat júrgizdi.

Kezdesýler barysynda jamaǵatqa dástúrli ıslam qundylyqtary, qoǵamdaǵy birlik pen tatýlyq, Otanǵa degen súıispenshilik, jaqsylyqqa úndep, jamandyqtan tyıý, azamattyq jaýapkershilik jáne rýhanı-adamgershilik tárbıesi taqyryptarynda ýaǵyz-nasıhat aıtyldy.

Sonymen qatar Qanatqalı Takırov Astana qalasy boıynsha QAJ departamentine qarasty mekemelerde de kezdesýler ótkizip, jazasyn óteýshilermen aqparattyq-túsindirý jumystaryn júrgizdi. Basqosýlarda dástúrli ıslamdy ustanýdyń mańyzy, dinı saýattylyqty arttyrý jáne destrýktıvti dinı aǵymdardyń aldyn alý máseleleri keńinen túsindirildi.

Is-sharalar barysynda qatysýshylar ózderin tolǵandyrǵan dinı saýaldaryn qoıyp, maman tarapynan jan-jaqty jaýaptar aldy.