RESPÝBLIKALYQ QURAN BAIQAÝY QATYSÝShYLARYNA ARNALǴAN SALTANATTY KEShKI AS UIYMDASTYRYLDY
Aqtóbe qalasynda ótkeli jatqan qasıetti Quran Kárimdi jatqa jáne mánerlep oqý boıynsha XV respýblıkalyq baıqaýynyń qatysýshylary men qonaqtaryna Qazaqstan musylmandary dinı basqarmasynyń atynan saltanatty keshki as uıymdastyryldy.
Keshki asqa respýblıkalyq jarysqa qatysýshy qarılar, qazylar alqasy jáne jergilikti zııaly qaýym ókilderi qatysty. Jyly júzdesý men rýhanı mazmundaǵy suhbatqa toly kesh barysynda qatysýshylarǵa alǵys bildirilip, ıgi tilekter aıtyldy.
Shara barysynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń atynan óńir meshitterine turaqty túrde demeýshilik kórsetip, dinı-aǵartýshylyq jumystarǵa úles qosyp júrgen meshit janashyrlaryna Alǵys hattar tabystaldy.
Alǵys hatta meshittiń qoǵamdaǵy orny, izgilik pen baýyrmaldyqty dáripteýdegi mańyzy atap ótilip, demeýshilerge Alla Taǵaladan bereke men saýap tilegi bildirildi.
