RESPÝBLIKALYQ QURAN BAIQAÝYNYŃ JEŃIMPAZDARY ANYQTALDY
Búgin Túrkistan qalasynda QMDB Tóraǵasy, Bas múftı Naýryzbaı qajy Taǵanulynyń qatysýymen Qurandy jatqa oqýdan qyzdar arasyndaǵy V respýblıkalyq baıqaýdyń marapattaý rásimi ótti.
Qazaqstan musylmandary dinı basqarmasynyń uıymdastyrýymen ótken baıqaýdyń marapattaý rásiminde Bas múftı jeńimpaz qarılarǵa, olardyń ustazdary men ata-analaryna shynaıy rızashylyǵyn bildirdi. Sonymen qatar, baıqaýǵa qazylyq etken qarı-ustazdarǵa da alǵys aıtyp, QMDB atynan alǵys hatpen marapattady.
«Allaǵa shúkir, qazir elimizde Quran jattaýǵa yqylas qoıǵan jastardyń qatary artyp keledi. Buryn qarılarymyz alys shet elderge baryp Quran ıjazasyn alyp keletin. Qazir óz elimizden «Ijaza» ortalyǵyn ashqanymyzdy jaqsy bilesizder. Onyń ústine qarı qaryndastarymyzdyń qatary kóbeıgen saıyn júregimizge qýanysh uıalaıdy. Óıtkeni qarı anadan izgi urpaq taraıdy. Elge, dinge qyzmet etetin tulǵalar shyǵady. «Áıel adam bir qolymen besik terbetse, ekinshi qolymen álemdi terbetedi» degen sózdiń tórkini osynda jatsa kerek»,- dedi Naýryzbaı qajy Taǵanuly.
Baıqaý jeńimpazdary QMDB Tóraǵasy atynan alǵys hat pen arnaıy qarjylaı syılyqqa ıe boldy.
Qazylar alqasynyń sheshimimen 4 atalym boıynsha jeńis tuǵyrynan kóringen qarılardyń tizimi tómendegideı:
Tolyq Qurandy jatqa oqýdan (30 para boıynsha):
1-oryn Mádına Ábdimanatqyzy (Shymkent qalasy) 2 200 000 tg
2-oryn Mýslıma Ulyqbekqyzy (Túrkistan oblysy) 1 800 000 tg
3 -oryn Yrysaıhanym Ilesqyzy (Almaty qalasy) 1 500 000 tg
20 para boıynsha:
1-oryn Jánel Serikqyzy (Ulytaý oblysy) 1 500 000 tg
2-oryn Márııam Orynbasarqyzy (Jetisý oblysy) 1 200 000 tg
3-oryn Nafısa Nuralıqyzy (Pavlodar oblysy) 1 000 000 tg
10 para boıynsha:
1-oryn Ásem Erbolqyzy (Túrkistan oblysy) 1 000 000 tg
2-oryn Zınıra Hadırshaqyzy (SQO) 800 000 tg
3-oryn Sánııa Ábýtálipqyzy (Qostanaı oblysy) 600 000 tg
5 para boıynsha:
1-oryn Aısha Ernarqyzy (Almaty qalasy) 600 000 tg
2-oryn Mýmına Zýlhaınarqyzy (SQO) 500 000 tg
3-oryn Ámına Batyrbekqyzy (ShQO) 400 000 tg
