RÝHANI KELISIM KÚNINE ORAI KONFERENTsIIa ÓTTI (FOTO)
Elordada Rýhanı kelisim kúnine 30 jyl tolýyna oraı Beıbitshilik jáne kelisim saraıynda «Rýhanı kelisim – tatýlyq negizi» taqyrybynda merekelik konferentsııa ótti.
Atalǵan Konferentsııaǵa Astana ákiminiń orynbasary Eset Báıken, «Mádenıet arqyly álem» Halyqaralyq qaýymdastyǵynyń prezıdenti, QR Eńbek sińirgen qaıratkeri, kompozıtor, Rýhanı kelisim kúniniń bastamashysy Tólegen Muhamedjanov, Aqparat jáne qoǵamdyq damý mınıstrligi Din isteri komıteti tóraǵasynyń orynbasary Baýyrjan Bakırov, QMDB Tóraǵasynyń orynbasary, naıb múftı Ershat Aǵybaıuly men Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma Tóraǵasy Bolat Sársenbaev, sondaı-aq, túrli dinı birlestikterdiń ókilderi men otandyq jáne sheteldik sarapshylar qatysty.
Alqaly jıynda naıb múftı Ershat Aǵybaıuly QMDB Tóraǵasy, Bas múftı Naýryzbaı qajy Taǵanulynyń sálemi men quttyqtaýyn jetkizdi.
«Barshańyzdy Rýhanı kelisim kúni merekesimen shyn júrekten quttyqtaımyn! Alla Taǵala árbir otbasyǵa baq pen bereke násip etkeı!
Elimizde osynaý aıtýly kúnge mańyz berilip jatqan jaıttyń da ózindik aıryqsha máni bar. Óıtkeni rýhanı kelisimsiz keleshek joq. Bul data elimizdegi barsha ult pen ulys, din ókilderiniń rýhanı birligi men ózara baýyrmashyldyq baılanysyna úlken serpin berýde.
Allaǵa shúkir, búginde Eýrazııa júreginde beıbit ǵumyr keship kele jatqan Qazaqstan tórtkúl dúnıege bitimger, araaǵaıyn, ymyrashyl irgeli el retinde tanyldy.
Ózderińizge málim, jýyrda elordamyzda Memleket basshysy Qasym-Jomart Kemelulynyń qatysýymen Álemdik jáne dástúrli dinder lıderleriniń jetinshi sezi ótti. Álem halqyn birlik pen ıgilikke bastaǵan bul jıynnyń Qazaq topyraǵynda turaqty túrde ótkizilip kelýiniń ózindik máni bar. Prezıdentimiz aıtqandaı, Qazaq jeri ǵasyrlar boıy Batys pen Shyǵystyń arasyndaǵy baılanysqa altyn kópir bolyp keledi.
Sezd dinder arasyndaǵy tatýlyqty nyǵaıtyp qana qoımaı, búkil musylman áleminiń rýhanı tutastyǵy men birligine qyzmet etýde» delingen Bas múftı quttyqtaýynda
Konferentsııa barysynda qoǵamdy ulty men dinine qaramastan biriktirýge, turaqtylyq pen kelisimdi saqtaýǵa jáne odan ári damytýǵa baǵyttalǵan shara qatysýshylary utymdy pikirleri men oramdy oılaryn ortaǵa saldy.
