RÝHANI KELISIM – JARQYN BOLAShAQ KEPILI

Naýryzbaı qajy TAǴANULY,

         QMDB Tóraǵasy, Bas múftı         

Barshańyzdy Rýhanı kelisim kúni merekesimen shyn júrekten quttyqtaımyn! Alla Taǵala árbir otbasyǵa baq pen bereke násip etkeı! 

Elimizde osynaý aıtýly kúnge mańyz berilip jatqan jaıttyń da ózindik aıryqsha máni bar. Óıtkeni rýhanı kelisimsiz keleshek joq. Bul data elimizdegi barsha ult pen ulys, din ókilderiniń rýhanı birligi men ózara baýyrmashyldyq baılanysyna úlken serpin berýde. 

Ózderińizge málim, ár úsh jyl saıyn elordamyzda Álemdik jáne dástúrli dinder lıderleriniń sezi dinder arasyndaǵy tatýlyqty nyǵaıtyp qana qoımaı, búkil musylman áleminiń rýhanı tutastyǵy men birligine qyzmet etýde.

Memleket basshysy Qasym-Jomart Kemeluly Joldaýynda: «Qoǵamdaǵy birlik pen kelisimdi kózdiń qarashyǵyndaı saqtaýymyz kerek. Etnosaralyq jáne konfessııaaralyq qatynastyń qanshalyqty mańyzdy ekenin barlyq azamatymyz túsiný qajet. Biz qashan da alaýyzdyqqa qarsy tura bilgen elmiz» dep atap ótken bolatyn.

Rasynda, Qazaq kóshin bastaǵan keshegi han-sultandarymyz el basqarý isinde eń áýeli ultty yntymaqqa uıystyrýǵa basymdyq berdi. Babalarymyzdyń búgingi urpaǵy retinde barshamyz birligimizdi bekem etýge úles qosýymyz tıis dep sanaımyz.

Rýhanı kelisim kúni qutty bolsyn!