«S. Ǵylmanı»: Memlekettik rámizder kúnine oraı tanymdyq is-shara ótti

Qazaqstan Respýblıkasynyń Memlekettik rámizder kúnine oraı «Sádýaqas qajy Ǵylmanı» meshitinde uıymdastyrylǵan «Imanı jaz» saýat ashý kýrsynyń oqýshylaryna arnalǵan taǵylymdy is-shara ótti.

Is-shara aıasynda balalarǵa Qazaqstannyń Memlekettik Týy taratylyp, memlekettik rámizder týraly tanymdyq aqparattyq broshıýralar úlestirildi. Sharanyń negizgi maqsaty – jas urpaqtyń boıynda Otanǵa degen súıispenshilik pen patrıottyq rýhty qalyptastyrý, sondaı-aq Memlekettik Tý, Eltańba jáne Ánurannyń máni men mańyzyn túsindirý.

Kezdesý barysynda oqýshylarǵa memlekettik rámizderdiń shyǵý tarıhy men mazmuny týraly málimet berilip, olardyń el táýelsizdigi men ulttyq birliktiń basty nyshandary ekeni aıtyldy. Sonymen qatar balalar rámizderge qurmet kórsetý árbir azamattyń mańyzdy mindeti ekenin túsinip, óz oılarymen bólisti.

Источник: Aisha