«SÁDÝAQAS QAJY ǴYLMANI» MEShITINDE DINI OŃALTÝ JIYNY ÓTTI (FOTO)
Astanadaǵy «Sádýaqas qajy Ǵylmanı» meshitinde din qyzmetkerlerine jat aǵymnyń aldyn alý baǵytynda jıyn ótti.
Basqosýǵa QMDB Dinı ońaltý bóliminiń mamany Islam Maratuly, «Áziret Sultan» meshitiniń ustazy, Dinı ońaltý bóliminiń Astana qalasy ókildigi boıynsha jaýapty mamany Raqymqazy Qabdysalym jáne meshit bas ımamy Rýslan Baızaqov bastaǵan ımamdar men ustazdar qatysty.
Mamandar óz sózinde jat aǵym ıdeologııasynyń otbasylyq qundylyqtarǵa, jastar sanasyna jáne qoǵamdaǵy birlik pen turaqtylyqqa tıgizetin keri áserin atap ótti. Osyǵan baılanysty ımamdardyń jaýapkershiligi aıryqsha ekeni aıtyldy.
Osy oraıda din qyzmetkerlerine jamaǵatpen tyǵyz baılanys ornatyp, ásirese jastarǵa dinı saýattylyqty arttyrýǵa baǵyttalǵan túsindirý jumystaryn júıeli júrgizýdiń mańyzy erekshe ekeni aıtyldy. Halyqpen ashyq áńgime qurý, suraqtaryna naqty jaýap berý jáne dinı aqparatty durys jetkizý – qoǵamdy teris aǵym yqpalynan qorǵaýdyń basty tetigi retinde ataldy.
Semınardyń negizgi maqsaty – jat aǵymdardyń aldyn alý jumystaryn júıeli júrgizý, ońaltý qyzmetin kúsheıtý jáne qoǵamdaǵy dinı turaqtylyqqa úles qosý.
Источник: Aidos
