«SÁDÝAQAS QAJY ǴYLMANI»: JAT AǴYMNYŃ ALDYN ALÝ BOIYNShA SEMINAR ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty «Sádýaqas qajy Ǵylmanı» meshitiniń uıymdastyrýymen «Jat aǵym – jarǵa jyǵady» taqyrybynda semınar bolyp ótti.

Jıynǵa QMDB Dinı ońaltý bólim basshysynyń mindetin atqarýshy Danııar Kenjalın, Astana qalasy ókildiginiń jat aǵym baǵyty boıynsha jaýapty mamany Raqymqazy Qabdysalym, «Sádýaqas qajy Ǵylmanı» meshitiniń bas ımamy Rýslan Baızaqov, Astana qalasy ákimdigi dinderdi zertteý ortalyǵynyń bólim basshysy Nursultan Berikuly jáne meshittiń din qyzmetkerleri men jamaǵaty qatysty.

Shara barysynda spıkerler soqyr senimniń jeteginde ketip qalmaýǵa shaqyra otyryp, jamaǵatty qyraǵy bolýǵa, dinı másele turǵysynan suraqtar týyndaǵan jaǵdaıda tek qana arnaıy dinı mamandarǵa júginýge jáne QMDB tarapynan maquldanǵan málimet kózderine súıenýge shaqyrdy. Sondaı-aq, jat aǵym túsinigine tán sıpattar men belgilerdi ataı otyryp, adasýshylyqqa túsip qalmaýdyń áreketterin túsindirip ótti. Shara sońynda qatysýshy jamaǵatqa taqyrypqa sáıkes qajetti málimetter berilgen arnaıy broshıýralar taratyldy.

Источник: Aidos