SARAPShYLAR KEŃESINIŃ SEGIZINShI MÁJILISI ÓTÝDE (FOTO)

Búgin Almaty qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Sarapshylar keńesiniń segizinshi májilisi ótýde.

Keńes jumysyn ashqan Naýryzbaı qajy Taǵanuly: «Bıylǵy 2024 jyldy QMDB aıasynda «Islam jáne dástúr qundylyǵy» jyly dep jarııaladyq. Ataýly jyl aıasynda halqymyzdyń dúnıetanymyna saı dástúrli Islamdy dáripteýge, onyń ǵylymı-teorııalyq negizin damytý máselesine mán berildi. Sonymen qatar dástúrli dinimizdi, ata-babamyz san ǵasyrdan beri ustanyp kelgen dinı jolymyzdy, tól mázhabymyzdy, ulttyq qundylyqtarymyz ben qazaqy bolmysymyzdy nasıhattaýǵa tyrystyq», - deı kelip, «MUFTIYAT» baspasynan shyqqan din men dástúr úndestigi men úılesimin negiz etken kitaptar, Islam órkenıetiniń damýyna úles qosqan ǵulamalardyń eńbekterin nasıhattaý maqsatynda QMDB-nyń atsalysýymen ótkizilgen is-sharalarǵa arnaıy toqtaldy.

Májiliste Qazaqstan musylmandary dinı basqarmasynyń qyzmetine qatysty syndar men jumysyn jetildirý joldary, 2025 jyly basymdyq beretin jumys baǵyttary, sondaı-aq dástúrli musylmandyq mektepti jańǵyrtý baǵytyndaǵy mańyzdy is-sharalar syndy máseleler talqylanýda.

​