Serikbaı qajy Oraz depýtat Baqyt Smaǵulmen kezdesti (FOTO)

Qazaqstan musylmandary dinı basqarmasynyń tóraǵasy Serikbaı qajy Oraz Elordada aýǵan soǵysynyń ardageri, QR Parlamenti Májilisiniń depýtaty Baqytbek Smaǵulmen suhbattasty.

Kezdesýde jastardy ımandylyq pen patrıottyq rýhta tárbıeleý, óskeleń urpaqty destrýktıvti aǵymnyń jalań urandarynan saqtandyrý, múftııattyń qoǵamdyq deńgeıdegi jumystaryn jandandyra túsý, t.b. máseleler talqylandy.

Bas múftı Serikbaı Satybaldyuly Baqytbek Smaǵulǵa múftııattyń jańa ǵımaratyn tanystyryp, QMDB-nyń ıgi bastamalary jaıly áńgimelep berdi.

Dinı basqarmanyń jumysymen jiti tanysyp, ǵımaratty aralap kórgen depýtat B.Smaǵul: «Alla jumystaryńyzǵa jar bolsyn, ǵımarattaryńyz qutty bolsyn», – dep ıgi nıetin jetkizdi.

Kezdesý sońynda Bas múftı men Májilis depýtaty birlesken jobalardy, qoǵamdyq sharalardy birlese atqarýǵa, jastardy patrıottyq rýhta tárbıeleý baǵytynda yntymaqtastyqty arttyrýǵa sóz baılasty.