ShETELDIK TÝRISTER «ÁZIRET SULTAN» MEShITIN ARALADY (FOTO)

Elordamyzdaǵy kórikti qulshylyq ordalarynyń biri «Áziret Sultan» meshitine Almaty qalasynda bilim alyp júrgen amerıkalyq stýdentter arnaıy kelip zııarat etti. Sheteldik týrıster ǵıbadat úıiniń tynys-tirshiligimen tanysyp, qazaqy oıýlarmen órnektelgen meshittiń ishki dızaınyna degen tańdanystaryn bildirdi.

«Áziret Sultan» meshitiniń bas ımamy Erbolat Nuryldauly qonaqtardy ózi qarsy alyp, meshit ishin aralatyp, namaz zalynda ornalasqan Qurannyń kóne jazbalaryn kórsetti. Ol 10 ǵasyr buryn jazylǵan, salmaǵy 40 kılogramm bolatyn kóne Quran túpnusqa kúıinde qalýy úshin vakýýmde saqtaýly ekenin aıtty. Sondaı-aq, qabyrǵada ilýli turǵan kúmis Qurandy kórsetip, meshit munaralarynyń bıiktigi men dızaıny týraly qysqasha aqparat berip ótti.  Qala bas ımamynan Islam dini týraly biraz aqparatqa qanyqqan meshit qonaqtary qazaqtyń ulttyq ónerin pash etetin kıiz úıdiń aldynda  estelik sýretke tústi.

Aıta keteıik, Astanaǵa kelgen sheteldik qonaqtar men týrıstter Elordamyzǵa ásemdik syılap turǵan osynaý «Áziret Sultan» meshitin aralaý úshin jıi bas suǵady. Munda kóptegen el basshylary men qoǵam qaıratkerleri qonaqta bolǵan.

Источник: Aidos