Shıeli aýdanyna jańa ımam taǵaıyndaldy

QMDB tóraǵasy, Bas múftı Serikbaı qajy Orazdyń №1481 buıryǵymen Shıeli aýdandyq ortalyq meshitiniń bas ımamdyq qyzmetine Ýljaev Baqyt taǵaıyndaldy.

Shıeli aýdanyna is-saparmen barǵan ókil ımam Bolatbek qajy Ulasqanuly eń aldymen aýdan ákiminiń apparat jetekshisi Ǵ.Kúlbaevpen kezdesip, jańa ımam B.Ýljaevty tanystyryp, óńirdegi dinı ahýaldy saqtaý, jańadan qurylǵan Túrkistan oblysynda ashylǵan QMDB ókildigi, QMDB-nyń Qyzylorda oblysy boıynsha ókildigimen atqarylyp jatqan jańa bastamalar, josparlardy talqylady.

Qasıetti juma kúni aýdandyq ortalyq meshitte «Islam – beıbitshilik dini» taqyrybynda ýaǵyz aıtyp, jamaǵatty árdaıym yntymaqta bolyp, birlikpen jumys jasaýǵa shaqyrdy. Budan keıin, aýdan aqsaqaldary men barsha jamaǵattyń aldynda Shıeli aýdanynda Bas ımamdyq qyzmetti abyroımen atqarǵan R.Ahmetovke óz atynan alǵys hat tabystap, aýdanǵa taǵaıyndalǵan jańa ımam B.Ýljaevty tanystyrdy.

Namazdan keıin, Ókil ımam el amandyǵy men jurt tynyshtyǵy, beıbit ómirdiń turaqtylyǵy, urpaǵymyzdyń baıandy bolashaǵy úshin Alladan duǵa etti.

     Ýljaev Baqyt – 28.07.1990 j. OQO dúnıege kelgen.

Bilimi: Joǵary

2008-2012 jj. «Nur-Múbarak» Egıpet ıslam mádenıeti ýnıversıtetinde bakalavr «Islamtaný» mamandyǵy boıynsha bilim alǵan.

2015-2017 jj. Shet tilder jáne karera ýnıversıtetiniń «Dintaný» mamandyǵy boıynsha magıstri.

Eńbek joly:

2012-2013 jj. Aqmola oblysy, Býrabaı aýdandyq meshitiniń naıb ımamy;

2013-2018 jj. Qyzylorda oblystyq «Aqmeshit-Syrdarııa» ortalyq meshitiniń naıb ımamy bolyp qyzmet atqarǵan.