Shrı-Lankadaǵy jarylystan qaza tapqandardyń sany 300-ge jýyqtady

Shrı-Lanka halqyn kanǵa bóktirgen joıqyn jarylystyń qurbandar sany saǵat sanap ósip keledi. Qandy jeksenbide qaza tapqandardyń jalpy sany qazirgi kezde 390-nan asyp, jaraqat alǵandardyń qatary 500-ge jýyqtaǵan.

Cońǵy málimetterge qaraǵanda, qaza tapqandardyń ishinde Danııa, Japonııa, Pákistan, Marokko, Úndistan, Bangladesh, QHR, AQSh, Túrkııa jáne Ulybrıtanııa elderiniń azamattary bar. Qazaqstan Respýblıkasynyń Syrtqy ister mınıstrligi jarylys saldarynan qaza tapqandar arasynda qazaqstandyqtar joq ekenin málimdedi.

Aıta keteıik, lańkester Kolombo, Negombo, Battıkaloa qalasyndaǵy shirkeýler men qonaq úıge shabýyl jasaǵan bolatyn. sondaı-aq, tártip saqshylary Bandaranaıke áýejaıynan qoldan jasalǵan jarylǵysh qurylǵyny der kezinde anyqtap, bir jarylystyń betin qaıtarǵan eken.

Qazirgi ýaqytta jarylysty qandaı uıym jasaǵany resmı anyqtalmady. Degenmen, tergeý jumystary barysynda 13 adamnyń tutqynǵa alynǵany belgili. Olardyń ishinde jankeshti lańkesterdi oqıǵa ornyna jetkizgen kólik júrgizýshileri de bar kórinedi.