Shymkent qalasynyń ımamdary «Áziret Sultan» meshitimen tanysty (FOTO)
Búgin, qasıetti juma kúni Shymkent qalasy boıynsha ókildiginiń bólim jetekshileri men birqatar aýdan bas ımamdary respýblıkalyq «Áziret Sultan» meshitin zııarat etip, alyp qulshylyq ordasynyń tynys-tirshiligimen tanysty. QMDB tóraǵasy, Bas múftı Serikbaı qajy Orazdyń qoldaýymen elimizde tuńǵysh ret uıymdastyrylyp otyrǵan shara aıasynda Shymkent shaharynyń ımamdary Astana qalasyna arnaıy issapar jasap, eki tarap arasyndaǵy áriptestik qarym-qatynasty kúsheıtip, tájirıbe almasý kózdelgen.
Shymkent qalasy boıynsha ókil ımamy Baqtybaı qajy Beısenbaevtyń bastamasy aıasynda túrli salaǵa jaýapty Shymkent qalasy boıynsha ókil ımam orynbasarlary Muhamedjan Estemirov, Ádilhan Sertaı, Isa Iahıaev jáne «Shymkent medresesi» kolledjiniń dırektory Talǵat Ásembaı, Ál-Farabı aýdandyq «Abdýl Hamıd Qattanı» meshitiniń bas ımamy Baqdaýlet Abdýrahmanov, Abaı aýdandyq «Abdýrahman» meshitiniń bas ımamy Qazybek Sarybaev, Eńbekshi aýdandyq «Ál-Bilál» meshitiniń bas ımamy Dáýlet Týlenov jáne jastar isi bóliminiń jetekshisi Azamat Ábdikerimuly, saıt jetekshisi Abzal Jaýharovtar buǵan deıin «Nur Astana» Ortalyq meshitinde, «Astana» medrese-kolledjinde, sondaı-aq birneshe qalalyq meshitterde qonaqta bolyp, tynys-tirshiligimen tanysyp qaıtqan bolatyn.
Delegatsııa múshelerimen respýblıkalyq «Áziret Sultan» meshitiniń qyzmetkerleri arnaıy dóńgelek ústel ótkizip, ár salaǵa (oqý-aǵartý, ýaǵyz-nasıhat, qaıyrymdylyq sharalary, teris aǵymdarmen kúres) jaýapty naıb ımamdar óz tájirıbelerimen bólisip, elimizdiń Bas meshitindegi jumys barysyn baıandady. «Áziret Sultan» meshitiniń birinshi naıb ımamy Qanat qydyrmın qonaqtarǵa óz iltıpatyn bildirip, aýqymdy jumys josparlarymen de tanystyra ketti. Kezdesý sońynda Shymkent ımamdary estelik retinde Ońtústik óńirde shyǵatyn jaınamaz syıǵa tartyp, óz qurmetterin kórsetti. Qonaqkáde retinde «Áziret Sultan» meshiti atynan delegatsııa múshelerine estelik-sýret tartý etilip, «Hıkmet» stýdııasynyń ónimderi men Bas meshit jaıyndaǵy kitapshalar berildi.
Budan keıin delegatsııa músheleri «Áziret Sultan» meshitin aralap, qulshylyq ordasy jaıly tolyqqandy maǵlumat aldy. Dárishanalar men qyzmetttik bólmelerdi kórip, meshit jádigerleri men kórnekilikterin tamashalady. «Áziret Sultan» meshitiniń resmı portaly Muslim.kz saıtynyń jumysymen tanysyp, «Hıkmet» teleradıostýdııasynda qonaqta boldy. Qulshylyq ordasyndaǵy basqa da qyzmettik bólimderge bas suǵyp, úlgi bolarlyq bastamalarǵa qanyǵa tústi. Kezdesý sońynda Shymkent ımamdary Elordalyq áriptesterine rızashylyqtaryn bildirip, bul sapar aıasynda tyń aqparattar men sony tájirıbeler jınaqtaǵandaryn jetkizdi.
