Stambýldaǵy alyp meshittiń qurylysy qashan aıaqtalatyny belgili boldy
Stambýl qalasynyń Beıoglý aýdanynyń basshysy Isa Tatlydjan jaqynda tilshiler qaýymyna Taksım alańynda salynyp jatqan alyp meshit jobasy jaıly aqparattermen bólisti.
Aıta keteıik, Stambýldaǵy Taksım alańy men Istıklıal kóshesiniń boıynda 2013 jyly Túrkııa prezıdentiniń sheshimimen úlken meshit jáne Atatúrik atyndaǵy mádenıet ortalyǵynyń qurylysy bastalǵan bolatyn.
Josparda kórsetilgendeı, opera, teatr jáne kınoteatr keshenderi ornalasqan mádenıet ortalyǵy kelesi ashylatyn bolmaq. Osyǵan baılanysty, «Taksım» meshitindegi alǵashqy namaz da 2020 jyldyń alǵashqy aılarynda oqylýy tıis.
Isa Tatlydjannyń aıtýynsha, qulshylyq ordasyna kelýshi jamaǵat ol jerde tek ǵıbadat jasap qana qoımaı, shyǵarmashylyq pen óner týyndylarymen tanysa alatyn bolmaq. Meshit kesheninde sheberhanalar men kórme zaldary da bolmaq.
