SYǴANAQI INSTITÝTYNYŃ TÚLEKTERINE KÝÁLIK TABYSTALDY

Astana qalasynda Hýsamýddın as-Syǵanaqı atyndaǵy ıslam ınstıtýtynyń ekinshi túlekterine arnalǵan saltanatty kýálik tabystaý rásimi ótti. Qazaqstan musylmandary dinı basqarmasyna qarasty bul oqý orny tórt jyl buryn irgetasyn qalap, búginde óz jemisin berip otyr.

Sharaǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, memleket jáne qoǵam qaıratkerleri, Túrkııa elshiliginiń ókili, sondaı-aq, zııaly qaýym, elimizdegi belgili dintanýshylar men ustazdar qatysyp, túlekterge jyly lebizderin bildirdi.

«2026 jyly ınstıtýt qabyrǵasynan «Islam ilimderi» baǵyty boıynsha 9 túlek, al «Quran ıjazasy» baǵyty boıynsha 11 qarı oqýyn sátti támamdap, úlken ómirge qadam basqaly otyr. Bul nátıje shynaıy eńbektiń, ustazdar salǵan sara joldyń jáne shákirttik shydam men tabandylyqtyń aıqyn belgisi dep esepteımin.

Hýsamýddın as-Syǵanaqı atyndaǵy ıslam ınstıtýty ashylǵan kúnnen búginge deıin «Islam ilimderi» boıynsha barlyǵy 23 túlek, al «Quran ıjazasy» baǵyty boıynsha 47 shákirt tárbıelenip shyqty. Olardyń jalpy sany – 70 túlek. Olardyń basym bóligi búginde el ıgiligi jolynda qyzmet etip, dinı mekemelerde abyroıly eńbek atqarýda. Al keıbir túlekter óz bilimderin odan ári tereńdetip, ǵylymı izdenis jolyn jalǵastyryp keledi.

Bıylǵy bitirýshiler arasynan erekshe daralanǵan 11 Quran hafızine arnaıy «Ijaza» qujaty tabystalady. Haqtyń kálámin kókiregine toqyǵan bul shákirtterimizge sáttilik pen bereke tileımin. Allaǵa shúkir, búgin Imam Asym qyraǵatynyń Hafs rıýaıaty boıynsha 10 shákirtimiz, Imam Asym qyraǵatynyń Hafs jáne Shýǵba rıýaıaty boıynsha 1 shákirtimiz arnaıy ıjaza kýáligine ıe bolyp otyr. Alla qutty da berekeli etsin» – dedi QMDB Tóraǵasy.

Saltanatty shara barysynda tek negizgi baǵytty támamdaǵan túlekterge ǵana emes, ınstıtýt janyndaǵy «Ijaza» ortalyǵynda bilim alǵan qarılarǵa da arnaıy kýálikter tabystaldy. Bul shákirtter Quran Kárimdi tolyq jattap, qyraǵat iliminen tıisti synaqtardan sátti ótken.

Kýálik alǵan túlekter:
1. Ilıasov Qýanyshkalı Erbolatuly
2. Týsýpbekov Erlan Sarsenuly
3. Talap Abylaıhan Talǵatuly
4. Serkebaev Murat Majıtuly
5. Mels Medeý Melsuly
6. Tajıman Aıdos Ánesuly
7. Orynbasar Isa Ótegenuly
8. Erejep Qusaıynuly
9. Madıev Ernar Bolatuly

Quran ıjazasy berilgen qarılar:
1. Ermakov Altynbek Maqsatuly
2. Ahmet Ǵazız Nurtaıuly
3. Ilııas Asqar Ádilbaıuly
4. Zınorov Abdýlsaıd Talǵatuly
5. Kýler Nýrettın Abdýlsamaduly
6. Álaıdar Rasýl Jaqypuly
7. Nııazov Erjan Isahanýly
8. Aldanazar Sarjan Bahtyqııaruly
9. Kýtýrov Rashıd Rahımuly
10. Azımbek Nýrmýhammed Sabıtuly
11. Salımbek Omar Saıfýdınuly

Shara sońynda QMDB Tóraǵasy ınstıtýt ustazdaryna alǵys hat tabystap, syı-sııapat jasady.














































 

Источник: Aidos