«TALABA» ShÁKIRTTERI TÚRKIIaDA ZARDAP ShEKKENDERGE KÓMEK KÓRSETTI
Ótken aptada Túrkııanyń ońtústik-shyǵysynda alapat jer silkinisi bolyp, myńdaǵan adam kóz jumdy. Zilzaladan zardap shekkenderge Túrkııadaǵy qazaqstandyq stýdentter de qoldan kelgen kómekti jan-jaqty kórsetýde. Bul jóninde Qazaqstan musylmandary dinı basqarmasynyń Túrkııadaǵy ókili Jandos Aıtbaı habarlady.
QMDB Tóraǵasy Bas Múftı Naýryzbaı qajy Taǵanulynyń tapsyrmasymen «Talaba» qaýymdastyǵynyń Ystambul jáne Konııa qalasyndaǵy ókilderi Qýat Erǵalı, Abdýrashıt Zúnnýn bastaǵan birneshe stýdent Túrkııa halqyna kómek kórsetý úshin Hataı, Qahramanmarash, Gazıantep, Mersın qalalarynda bolyp, jergilikti turǵyndarmen júzdesip, qarjylyq jáne materıaldyq kómek kórsetti.
Sonymen qatar elden kelgen kıiz úılerdi qurýǵa da belsene atsalysty.
Túbi bir túrki jurtyna qoldaý bildirýdi kózdegen qazaqstandyq stýdentter men eldegi jekelegen azamattar jáne kásipkerler tarapynan jınalǵan qarajat kólemi 10 mıllıon teńgeni quraıdy.
