Tanymal psıholog «Áziret Sultan» meshitiniń áıel jamaǵatymen júzdesti (FOTO)

Búgin respýblıkalyq «Áziret Sultan» meshitiniń áıel jamaǵaty tanymal psıholog, telearna júrgizýshisi Quralaı Oshaqbaevamen kezdesý ótkizdi. «Álemdi ózgertkiń kelse, ózińnen basta» atty semınar-trenıngke jıylǵan áıel jamaǵaty psıholog keńesine qanyǵyp, sharıǵatqa súıengen ǵylymı maǵlumattardy sińirip qaıtty.

Ardaqty Paıǵambarymyz (s.ǵ.s.) óziniń ósıetterinde kórkem minezdilikke kóbirek úndep, adamnyń óz nápsisimen kúresin, tipti, jıhadtyń úlken túrine balaǵany aıtylady. Osy uǵymnyń aıasynda adamnyń asyl qasıeti minezinde ekenin dáıekti túrde túsindirgen Quralaı Oshaqbaev qalyń jamaǵatqa ǵylymı tájirıbelerin de bólise ketti.

Qasıetti Ramazan aıynda arnaıy meshit jamaǵatymen júzdesýdi qalap, semınar-trenıng ótkizýdi jón sanaǵan Quralaı Oshaqbaevaǵa kezzdesý sońynda «Áziret Sultan» meshitinen atynan alǵys bildirip, naıb ımam Baqytjan Ótkelbaev «Alǵys hat» tabystady.