Taraýıh namazdarynan soń tegin avtobýs júredi (KESTE)

Minekeı, qasıetti Ramazan aıynyń bastalýyna da sanaýly saǵattar ǵana qaldy. Kóp uzamaı búkil álem musylmandary Ramazan aıyn qarsy alyp, Alla razylyǵy úshin aýyz bekitetin bolmaq. Tannyń atysy men kúnniń batysy aralyǵynda iship-jemnen, nápsi qalaýlarynan tyıylyp, taqýalyqqa talpynys jasaıdy. Izgilik pen ımandylyqqa bet buryp, qasıetti Quran túsken qutty aıdy laıyqty dárejesinde ótkizýge árbir musylmannyń tyrysary sózsiz.

Osy oraıda, QMDB tarapynan elimizdegi meshitterde qasıetti Ramazan aıyna daıyndyq jumystary jan-jaqty pysyqtalyp, jamaǵatqa qolaıly jaǵdaı qalyptastyrýǵa qatty kóńil bólindi. Aýyz bekitken jamaǵatqa arnap aýyzashar dastarhandaryn uıymdastyrý, qalyń halyqqa Ramazan aıy jaıly aqparattyq nasıhat jasaý, taraýıh namazdaryn ótkizý sekildi mańyzdy máseleler jaıy da aldyn ala eskerilip, daıyndyq deńgeıi birneshe márte pysyqtalǵan bolatyn.

Respýblıkalyq «Áziret Sultan» meshitinde de qasıetti Ramazan oraı birneshe iri sharalar qarastyrylyp, Ramazan aıyn laıyqty dárejesinde ótkizý josparlanyp otyr. Qasıetti aı boıy meshit meıramhanasynda kún saıyn 800 adamǵa tegin aýyzashar berilip, taraýıh namazdarynda elimizdiń eń úzdik qarılar ımamdyq etetin bolmaq.

Sondaı-aq, Astana qalasy ákimdiginiń qoldaýymen «Áziret Sultan» meshitiniń jamaǵaty úshin taraýıh namazdarynan soń úsh baǵyt boıynsha tegin avtobýs qatynaıtyn bolady.

Alla Taǵala qasıetti Ramazan aıyn saýapqa toly ótkizýdi jazsyn!