Tarazda halyqaralyq ǵylymı-tanymdyq konferentsııa bastaldy (FOTO)
Búgin Taraz qalasynda Qazaqstan musylmandary dinı basqarmasynyń uıymdastyrýymen Taraz qalasyndaǵy ınnovatsııalyq-gýmanıtarlyq ýnıversıtettiń májilis zalynda «Tarazdan shyqqan dinı tulǵalar. Professor Nasrýlla Tarazıdiń týǵanyna 100 jyl» halyqaralyq ǵylymı-tanymdyq konferentsııasy bastaldy.
Jıyn Quran aıattaryn oqýmen bastalyp, saıası qýǵyn-súrgin qurbandaryna duǵa baǵyshtaldy. Konferentsııaǵa QMDB Tóraǵasy, Bas múftı Naýryzbaı qajy Taǵanuly, Jambyl oblysynyń ákiminiń orynbasary Nurjan Sábıtuly, Nur-Múbarak ýnıversıtetiniń rektory, professor Muhammed Shahhad ál-Jındı, osy ýnıversıtettiń Ábý Hanıfa ǵylymı-zertteý ortalyǵynyń dırektory, professor Shamshádın Kerim, tarıh ǵylymdarynyń doktory Áshirbek Múmınov, Ál-Farabı atyndaǵy QazUÝ-dyń Shyǵystaný fakýltetiniń dekany, PhD doktor Yqtııar Paltóre jáne Ózbekstan, Qyrǵyzstannan arnaıy kelgen tarıhshy ǵalymdar qatysyp, Tarazdan shyqqan din tulǵalaryn kópshilikke tanytý, eńbekterin oqyrmanǵa tanystyryp, arnaýly baıandama jasaıdy. Sondaı-aq Nasrýlla at-Tarazı eńbekteri men ǵumyry jaıly syr shertedi.
Aıta keteıik, Nasrýlla at-Tarazı – parsy tili jáne ádebıeti boıynsha ǵylym doktory, professor, eski qoljazbardy oqý jáne taldaý boıynsha bilikti maman, shyǵystanýshy ǵalym.
