Tarbaǵataılyq kásipker 13 muqtaj otbasyǵa soǵym soıyp berdi

11 aqpan 2019 375 0
Оqý rejımi

Shyǵys Qazaqstan óńiriniń Tarbaǵataı aýdanynyń kásipkerleri #Jaqsylyq Jasa aktsııasyna ún qosyp, az qamtylǵan otbasylarǵa kómektesýde

Óskemendik Qanat Oralbek esimdi feısbýk qoldanýshysy jazǵandaı, respýblıkanyń túkpir-túkpirinde qoldaýǵa ıe bolǵan aktsııadan alys aýdannyń qaltaly azamattary da tys qalmapty.

«Tarbaǵataılyq azamattar ejelden jaqsylyqqa bastamashy. Bádelhan Kámálhanuly aǵamyz 13 muqtaj otbasyǵa bir-bir jylqydan soıyp beripti. Aýdan kásipkerleri tegin kómir men azyq-túlik taratyp jatyr eken. Kópke úlgi bolarlyq ıgi is», - dep jazady Qanat Oralbek.

Eske sala ketsek, osydan bir apta buryn astanalyqtar shyńyltyr aıazda aıaldamada avtobýs kútken turǵyndardy kólikterimen jetkizip tastap, kún sýyq kezde kópshilikke kómektesýge shaqyrǵan edi.

Arada kóp ýaqyt ótpeı, #JaqsylyqJasa aktsııasy jan-jaqty sıpat alyp, qazaqstandyqtar bir-birine qolushyn soza bastady. Bir qýanarlyǵy, azamattar aıazdy kúni kóligimen adamdardy úıine jetkizip salýmen shektelmeı, kópbalaly otbasylarǵa da qoldaý kórsetti.

Izgi úrdiske shaqyrǵan azamattar Feısbýkte óz jazbalaryn #JaqsylyqJasa nemese #DelaıDobro hEshtegimen taratýda. «Jaqsylyq jasa» aktsııasyna Qazaqstannyń búkil óńiriniń jastarynyń belsendi túrde atsalysqany qýantady. Ár óńirdegi jastardyń bir bóligi kópbalaly otbasylarǵa arnaıy shot ashsa, keıbiri turmysy tómen otbasylarǵa kómir túsirip, azyq-túlik, kıim-keshek áperip, kómektesti.

 

Pіkіrler Kіrý