TEGIN FOTOSESSIIa: Bas meshittegi «Juma galereıasy» (FOTO)

18 qazan 2019 4983 0
Оqý rejımi

Respýblıkalyq «Áziret Sultan» meshitinde ár juma saıyn ótkizilip turatyn «Tegin fotosessııa» jobasy búgin de óz jalǵasyn tapty. Osydan birer apta buryn Bas meshittiń resmı portaly Muslim.kz saıtynyń qyzmetkerleriniń uıymdastyrýymen qasıetti juma kúni meshitke kelýshiler úshin tegin fotosessııa uıymdastyrý qolǵa alynǵan bolatyn.

Sáýleti men sáni kelisken qulshylyq ordasyna dál osy kúni kóptegen jandardyń arnaıy at basyn buratyny belgili. Tipti, alystan kelgen qonaqtardyń qarasy da dál osy juma kúni kóbeıe túsetini taǵy bar. Kelýshilerdiń kóbisi Elorda tórinde mańǵazdana ornyqqan alyp meshittegi saparynan syr shertetin estelik sýretke túskisi keletini jasyryn emes. Osy oraıda, Muslim.kz portaly óz oqyrmandary men meshit jamaǵatyn sapaly sýrettermen baıytyp, qulshylyq ordasyndaǵy qýanyshty sátterin estelikke syıǵa tartyp otyrmaq.

«Juma galereıasy» sýretterin Muslim.kz portalynyń  «FOTOGALEREIa»  aıdarynan júktep alýǵa bolady.

Pіkіrler Kіrý