TUŃǴYSh RET: Ulttyq sport túrlerinen medresearalyq týrnır ótti (FOTO)

16 sáýіr 2019 533 0
Оqý rejımi

Qazaqstan musylmandary dinı basqarmasy men «Astana» medresesiniń (dırektory – Ibragım Smataev) uıymdastyrýymen QMDB-ǵa qarasty 9 medrese-kolledjder arasynda I Respýblıkalyq ulttyq sport týrnıri ótti.

Týrnırdiń ashylý saltanatynda sóz alǵan QMDB tóraǵasynyń Birinshi orynbasary, Nur-Sultan qalasynyń Bas ımamy Naýryzbaı qajy Taǵanuly men QMDB Apparat basshysy Ǵylymbek Májıev aıtýly sharanyń máni men mańyzyna, shákirtterdiń dinı bilim alýdaǵy yqylasy men yjdahatyna toqtalyp, salaýatty ómir saltyn qalyptastyrýdyń artyqshylyǵy jaıly aıtyp ótti.

Dúbirli dodaǵa ár medreseden 5 shákirt qatysty. Shákirtter arqan tartys, gir tasyn kóterý, qol kúres, ústel tennısi sekildi sport túrlerinen saıysqa tústi.

«Júzden júırik, myńnan tulpar» shyqqan júldeli jarysta «Ábý Hanıfa» medrese-kolledji top jaryp, 1 oryndy ıelendi. Al «Astana» medresesi 2 oryndy qanjyǵasyna baılady. «Ábý Bákir Syddyq» medresesine 3 oryn buıyrdy.

Jarys sońynda toptan oza shyqqan shákirtter baǵaly jáne qarjylaı syılyqtarmen marapattaldy.

Múftııat ujymy tuńǵysh ret ulttyq sport túrlerinen medresearalyq týrnır uıymdastyrýǵa uıytqy bolǵan «Astana» medresesine, onyń dırektory Ibragım Smataevqa alǵys bildiredi.

 

Pіkіrler Kіrý