Túrik múftıi «Áziret Sultan» meshitindegi juma namazyna qatysyp, ýaǵyz aıtty (FOTO)

Búgin, qasıetti juma kúni Astana qalasyndaǵy respýblıkalyq «Áziret Sultan» meshitin Túrkııa Din isteri basqarmasynyń tóraǵasy Álı Erbash zııarat etip shyqty. Álemdik jáne dástúrli dinder sezine qatysýǵa kelgen túrik múftıi elimizdiń Bas meshitine arnaıy bas suǵyp, óz qurmetin bildirdi.

Mártebeli meımandy QMDB tóraǵasy, Bas múftı Serikbaı qajy Oraz ózi qarsy alyp, qabyldaý ótkizdi. Jumaǵa jıylǵan qalyń jamaǵatqa qurmetti qonaqty tanystyryp ótip, túrik múftıiniń tilegine kezek berildi. Baýyrlas qos el arasyndaǵy rýhanı birlik pen yntymaqtastyqtyń budan da joǵary deńgeıge kóterilip, berekesi arta túsýin tilge tıek etken Álı Erbash Bas meshitin jamaǵatyna bilim alýdyń da artyqshylyǵyn aıta kelip, ilimge úndedi.

Aıta keteıik, Bas meshittegi juma namazyna Horvatııa Islam qoǵamdastyǵy Mesıhat uıymynyń tóraǵasy, Bas múftı Ázız Hasanuly da kelip qatysty. Qasıetti juma namazynda bas qosqan úsh el múftıi birige duǵa jasap, álemdegi tynyshtyq pen beıbitshiliktiń órkendeýin tiledi.

Sýretterdi «FOTOGALEREIa» aıdarynan kóre alasyzdar!