TÚRKI MEMLEKETTERI UIYMY MÚFTILER KEŃESINIŃ ÚShINShI OTYRYSY BASTALDY (FOTO)
Búgin Baký qalasynda Túrki memleketteri uıymy múftıler Keńesiniń úshinshi otyrysy bastaldy.
Alqaly jıynǵa Túrki memleketteri uıymynyń Bas hatshysy Baǵdat Ámireev, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, Kavkaz musylmandary basqarmasynyń tóraǵasy Sheıh-ýl Islam Allashúkir Pasha-Zade, Túrkııa Din Isteri basqarmasynyń basshysy Álı Erbash, Ózbekstan musylmandary basqarmasynyń tóraǵasy Nýrıddın Holıqnazarov, Túrikmenstannyń Bas múftıi Ialkap Hodjagýlyev qatysty.
Eń aldymen Quran aıattary oqylyp, duǵa jasaldy. Jıynda alǵy sózdi alǵan Baǵdat Ámireev qazirgi tańdaǵy Túrki musylmandarynyń ortaq ıdeıaǵa oıysýyn sátti qadam dep atady. Bul rette Túrki memleketteri uıymy Keńeske jan-jaqty qoldaý kórsetetin jetkizdi. Al Allashúkir Pasha-Zade óz kezeginde múftıler keńesiniń jumysyn barynsha jandyndyrý qajettigine toqtalyp, dostyq, baýyrlas baılanystardy nyǵaıta túsýdi qalaıtynyn bildirdi.
Keńes otyrysynda sóz alǵan QMDB Tóraǵasy Túrki elderiniń dinı, rýhanı jáne mádenı muralaryn damytý, jat aǵymnan saqtaný, túrki dúnıesine ortaq Qorqyt ata, Iasaýı, Máýlána, Náýáýı, Buharı, Fızýlı, Manas muralaryn dáripteý, ony halyqqa jetkizý máselelerin basa aıtty. Sonymen qatar dinı oqý-aǵartý salasy boıynsha birlesken jobalardy júzege asyrý, jahandyq syn-qaterge jaýap berýde musylman úmbetiniń ózara yntymaǵyn arttyrý jaıyn ortaǵa saldy.
Kezdesýde sóz alǵan Túrkııa Din isteri basqarmasynyń basshysy Álı Erbash qazirgi joıylyp bara jatqan ulttyq qundylyq, tekti saqtaý, tárbıe, Islam úmbetiniń ózara birligi, Túrki memleketteri arasynan ıslam ǵulamalaryn shyǵarý jaıyna toqtalsa, jıynǵa alǵash qatysqan túrkimen tarapy barlyq bastamalardy qoldaıtynyn jáne Keńes otyrysynyń ár kezdesýi mańyzdy ekenin aıqyndap ótti.
Jıyndy qorytyndylaǵan qabyldaýshy tarapqa jaýapty Allashúkir Pasha-Zade aıtylǵan usynystar eskerilip, dinı merekelerdi bir ýaqytta atap ótý, pátýa berýde birjaqty ustanym tanytý, túrki elderiniń ózara yntymaǵyn arttyrý máselesinde birlikte jumys isteýge shaqyrdy.
Aıta keteıik, TMU múftıler Keńesiniń kelesi otyrysy 2023 jyly Ózbekstannyń Samarqand qalasynda ótedi dep kelisildi.
