TÚRKIIa DIN ISTERI BASQARMASY ÓKILDERI ELORDA MEShITTERIN ZIIaRAT ETTI

Túrkııa Respýblıkasynyń Din isteri basqarmasy Tóraǵasynyń orynbasary Fatıh Mehmet Karaja, Eýrazııa departamentiniń jetekshisi Ómer Farýk Savýran jáne Túrkııanyń Qazaqstandaǵy Elshiliginiń Din isteri jónindegi keńesshisi Iýsýf Akkýsh Astana qalasyndaǵy qos iri meshitke arnaıy zııarat jasady.

Aldymen túrkııalyq qonaqtar elordadaǵy «Áziret Sultan» meshitine bardy. Qonaqtardy Astana qalasynyń jáne «Áziret Sultan» meshitiniń bas ımamy Nurbek qajy Áýeshanuly qarsy alyp, meshittiń tarıhy men búgingi tynys-tirshiligimen tanystyrdy.

Túrkııalyq ókilder otbasy bólmesin, dáris zaldaryn aralap, sol sátte ótip jatqan dáristerdiń barysymen tanysty. Sondaı-aq meshit qabyrǵalarynda ornalasqan tarıhı ári rýhanı qundylyqtarǵa nazar aýdardy.

Zııarat barysynda túrkııalyq qonaqtar meshittiń sáýlettik kelbetimen qatar, ondaǵy kúndelikti dinı-aǵartýshylyq qyzmetpen de tanysty. Dáris ótip jatqan zaldarǵa kirip, meshittegi bilim berý úderisin kózben kórdi.

Odan keıin delegatsııa Astana qalasyndaǵy «Nursultan» meshitine at basyn buryp, meshittiń tynys-tirshiligimen jáne dinı-aǵartýshylyq baǵyttaǵy jumystarymen tanysty. Qonaqtar meshittiń sáýlettik ereksheligine nazar aýdaryp, qulshylyq ornynyń jamaǵatqa kórsetip otyrǵan qyzmeti jaıynda aqparat aldy.