Túrkııa múftıi QMDB tóraǵasynyń úndeýin qoldady

Qazaqstan Musylmandary dinı basqarmasynyń tóraǵasy, Bas múftı Naýryzbaı Taǵanulynyń Islam áleminiń ǵulamalaryna, dinbasylaryna joldaǵan úndeýin alys-jaqyn shet elderdiń múftıleri qoldap jatyr.

Sonyń biri Túrkııa Respýblıkasy Din isteri basqarmasynyń tóraǵasy Alı Erbash ta úndeýdi qoldaıtynyn jetkizip, hat joldady.

«Qazaqstan Musylmandary dinı basqarmasynyń tóraǵasy Naýryzbaı Taǵanuly, áýeli Islam áleminiń dinı basqarma basshylaryna joldaǵan, óte astarly joldaýyńyzdy shynaıy kóńilden maquldaımyz. Juma kúni, Juma ýaqytynda duǵaǵa Túrkııa Memleketi jáne halqymen bárimiz birlese qol jaıyp, Jaratýshy Alladan eń jaqyn merzimde Muhammed úmbetin jáne adamzatty osy koronavırýs indetinen qutqarýyn tileımiz. QMDB tóraǵasy baýyrym Naýryzbaı Taǵanulyna jalyndy sálemim men shynaıy yqylasymdy joldaımyn!» - delingen atalǵan hatta.