Túrkııa: QMDB ókili elshimen kezdesti

Qazaqstan musylmandary dinı basqarmasynyń Túrkııadaǵy jýyrda taǵaıyndalǵan ókili Abdýrashıd Qarabaev jýyrda elimizdiń Túrkııa Respýblıkasyndaǵy Tótenshe jáne ókiletti elshisi Erkebulan Sápıevpen kezdesti.

Abdýrashıd Qarabaev elshige eń aldymen QMDB Tóraǵasy Naýryzbaı qajy Taǵanulynyń sálemin jetkizip, Ramazan aıymen quttyqtady. Sonymen qatar  ókildiktiń «Talaba» qaýymdastyǵy aıasynda atqarylatyn birqatar jumys josparyn bólisti. Kezdesý barysynda Erkebulan Sápıev QMDB tarapynan taǵaıyndalǵan jańa ókil Abdýrashıd Qarabaevqa sáttilik tileı otyryp, budan ári de birge qyzmet etýge shyqyryp, árqashan qoldaýǵa daıyn ekenin jetkizdi. Kezdesý barysynda bilim alýshy qazaqstandyq shákirtter jaıy da sóz boldy.

Esterińizge sala keteıik, QMDB Tóraǵasy, Bas múftı Naýryzbaı qajy Taǵanulynyń buıryǵymen Túrkııa Respýblıkasyndaǵy «Talaba» stýdentter qaýymdastyǵynyń jańa jetekshisi Abdýrashıd Qarabaev taǵaıyndalǵan bolatyn. Abdýrashıd Qarabaev – joǵary bilimdi, bilikti din qyzmetkeri. Almaty, Oral qalalarynda ımamdyq qyzmet atqarǵan. Qazirgi tańda Túrkııanyń Konıa qalasyndaǵy «Nejmettın Erbakan» ýnıversıtetinde doktorantýrada bilimin jalǵastyrýda.