Túrkııada qazaqstandyq stýdentterdiń Quryltaıy ótti (FOTO)

22 sáýіr 2019 5282 0
Оqý rejımi

300-den asa qazaq jastary dinı bilim alatyn Túrkııa Respýblıkasynda QMDB-nyń birinshi tóraǵa orynbasary, naıb  múftı Naýryzbaı qajy Taǵanuly, Dinı bilim jáne kadr daıarlaý bóliminiń meńgerýshisi Beıbit Myrzageldıev, Nasıhat jáne qoǵammen baılanys bóliminiń meńgerishisi Altynbek Utyshan, Nur-Múbarak Egıpet ıslam mádenıeti ýnıversıtetiniń prorektory Qaırat Qurmanbaevtyń qatysýymen 20-21 sáýir kúnderi tuńǵysh ret «Túrkııada oqyp jatqan Qazaqstandyq dintanýshylar quryltaıy» ótti.

Túrkııadaǵy Qazaqstan elshiligi, Túrkııa shet eldik túrikter jáne týysqan halyqtar mınıstrligi, «Túrik býrslary» memlekettik mekemesi jáne Erdjıes ýnıversıtetiniń uıymdastyrýymen Túrkııanyń Qaıserı qalasyndaǵy Erdjıes ýnıversıtetinde ótken quryltaıda Túrkııa din isteri basqarmasynyń, Túrkııanyń 12 qalasyndaǵy JOO-nyń professorlary, ımam-hatıb lıtseılerinde, dintaný fakýltetteriniń bakalavr, magıstratýra, doktarantýrasynda, bilim jetildirý jáne qaıta oqytý kýrstarynda bilim alyp jatqan 200-ge jýyq dintanýshy jas mamandar  bas qosty.

Quryltaı barysynda sóz alǵan Naýryzbaı Taǵanuly Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń sálemin jetkizip, óz baıandamasynda otandyq ıslamı bilim oshaqtaryn damytý, asyl dinimizdi nasıhattaý, ulttar men ulystar arasyndaǵy dostyq, syılastyq pen rýhanı úndestikti nyǵaıtýda, kórshi memlekettermen qarym-qatynasty jaqsartýda el múddesi men bolashaǵyn oılaıtyn bilimdi de bilikti mamandardyń mańyzy jaıynda sóz qozǵady. Eldegi dinı bilim jáne kadr daıarlaý salasynda qol jetkizgen jetistikterdiń jalpy qorytyndy esebine toqtalyp, joǵarǵy jáne orta dinı bilim ordalary men meshit, medrese jumystaryn jandandyrý boıynsha biraz aýqymdy josparlardyń qolǵa alynyp jatqandyǵyn baıandady.

Elbasymyzdyń «Jastar jyly» jobasy aıasynda jastarǵa rýhanı tárbıe berý, jastar arasynda dinı Ekstremızm men radıkalızm ıdeıalarynyń taralýynyń aldyn alý,  QMDB ókilderimen birlese jumys júrgizý maqsatynda shet eldik dinı oqý oryndarynda bilim alyp júrgen Qazaqstandyq stýdentterge QMDB janynan «Talaba» qaýymdastyǵyn qurýdy usyndy.

Tústen keıin jalǵasyn tapqan sektsııalyq otyrystarda QMDB Dinı bilim jáne kadr daıarlaý bóliminiń meńgerýshisi B.Myrzageldıev pen QMDB Nasıhat jáne qoǵammen baılanys bóliminiń meńgerishisi A.Utyshandar da baıandama jasady.

Pіkіrler Kіrý