TÚZEÝ MEKEMESINDE RANT MAMANYMEN KEZEKTI TÚSINDIRÝ JUMYSTARY JÚRGIZILDI

Astana qalasy boıynsha QAJ departamentine qarasty №03 mekemesinde jazasyn óteýshilermen aqparattyq-túsindirý kezdesýi uıymdastyryldy.

Kezdesý barysynda Respýblıkalyq aqparattyq-nasıhat tobynyń múshesi Qanatqalı Takırov pen Astana qalasyndaǵy «Áziret Sultan» meshitiniń ustazy Raqymqazy Qabdysalym «Jaqsylyqqa úndep, jamandyqtan tyıý» taqyrybynda nasıhat aıtty.

Dáris barysynda ıslam dinindegi izgilikke shaqyrýdyń mańyzy, kórkem minezdiń adam ómiri men qoǵamdaǵy orny, jaqsylyq jasaýǵa umtylý jáne jaman ádetter men teris is-áreketterden saqtanýdyń máni jan-jaqty túsindirildi.

Sonymen qatar qatysýshylardyń saýaldaryna jaýap berilip, dástúrli ıslam qundylyqtary aıasynda rýhanı-adamgershilik baǵyttaǵy túsindirý jumystary júrgizildi.

Is-sharaǵa 35 jazasyn óteýshi qatysyp, dinge qatysty ózderin tolǵandyrǵan suraqtaryna jaýap aldy.