Ultty terbegen qazaq analary týraly taǵylymdy kesh ótti (VIDEO+FOTO)
«Nur Astana» meshitiniń uıymdastyrýymen meshit janyndaǵy «Jibek» qyz-kelinshekter klýbynda «Bir qolymen álemdi, bir qolymen ultty terbegen qazaq anasy» atty is-shara ótti.
2016 jyly elorda tórindegi ásem meshitte sol kezdegi Bas ımam Naýryzbaı qajy Ótpenovtyń qoldaýymen áıelder-qyzdar sektoryna qarasty «Jibek» qyz-kelinshekter klýby óz jumysyn bastaǵan edi. Sodan beri klýb músheleri túrli mádenı is-sharalar ótkizip, elordalyq áıelder jamaǵatynyń rýhanı ómirin baıtýǵa aıta qalsyn úles qosty. Klýbqa qarasty analar mektebinde óz ómir tájirıbeleri negizinde jas qyz-kelinshekterge ıdeıalogııalyq turǵydan ónege kórsetetin el analary da bar. Olar áıel jamaǵaty arasyndaǵy jat aǵymnyń aldyn alý, dástúrli dinı qundylyqtar men ustanymdardy, ulttyq dúnıetanymdy nasıhattaý jumystaryna da atsalysyp keledi.
Sonymen birge, dástúrli qaıyrymdylyq sharalaryn ótkizip áleýmettik jaǵdaıy tómen, kóp balaly otbasylar men múmkindigi shekteýli jandarǵa qol ushyn berip, qoǵamnyń júgin jeńiltetýge de aıtarlyqtaı septigin tıgizýde.
«Mýmtaz» meıramhanasynda ótken rýhanı sharaǵa QMDB tóraǵasynyń birinshi orynbasary, naıb múftı, Nur-Sultan qalasynyń Bas ımamy Naýryzbaı qajy Taǵanuly, «Nur Astana» meshitiniń Bas ımamy Nurlan Ramazanov, qoǵam jáne memleket qaıratkeri Orazgúl Asanǵazyqyzy, QMDB Nasıhat jáne qoǵammen baılanys bólimi Áıelder-qyzdar sektornyń jetekshisi Aqbópe Qanatqyzy, «Rýhanı qoǵam álemi» qoǵamdyq qorynyń jetekshisi, sarapshy-psıholog Lımana Qoıshıeva, QMDB Áıelder-qyzdar sektornyń Nur-Sultan qalasy boıynsha ókili, respýblıkalyq «Áziret Sultan» meshitiniń ustazy Dınara Nurǵalıeva arnaıy qatysyp, quttyqtaý sóz sóıledi. Naıb múftı Narýyzbaı qajy Ótpenov óz sózinde «Jibek» klýbynyń elordadaǵy jas qyz-kelinshekter ómirindegi mán-mańyzy, klýbtyń analar mektebindegi ájeler qaýymnyń jas urpaqtyń saýatty da, salaýatty bolýyna, jas býynnyń dástúrli dinı ustanymdy qalyptastyrýyndaǵy ózindik rólin atap ótti.
Sonymen birge, naıb múftı «Jibek» qyz-kelinshekter klýbynyń qurylǵanyna 3 jyl tolýyna oraı belsendi klýb múshelerin arnaıy alǵys hatpen marapattap, ujymnyń aldaǵy jumystaryna sáttilik tiledi.
