Ulyqbek Esdáýlet: Biz asyq ári qashyq bolatyn qasıetterdi osy kitaptan taptym (FOTO)
Bas múftı Naýryzbaı qajy Taǵanulynyń jetekshiligimen jazylǵan «Ihsan – rýhanı tárbıe negizi» kitabynyń tanytymyna qatysqan Qazaqstan Jazýshylar Odaǵynyń tóraǵasy, belgili aqyn Ulyqbek Esdáýlet osylaı dedi.
Jańa kitap jaıly pikir bildirgen Ulyqbek Orazbaıuly: «Din men ádebıettiń maqsaty bir: urpaqty ulaǵatty iske tárbıeleý, adamzatty jaqsylyq pen izgilikke úndeý. Abaı kimde uıat bolsa, sol adamda ıman bolatynyn aıtyp ketken. Adamǵa qajet asyl qasıetterdi «Ihsan – rýhanı tárbıe negizi» kitabynan taptym. Bul eńbek óz oqyrmanyn jaqsy oılarǵa jeteleıdi. Óz basym bul kitapty erekshe qulshynyspen oqydym. Abaı adamzatty bes nárseden qashyq bolýǵa jáne bes nársege asyq bolýǵa shaqyrady. Mine, biz qashyq bolatyn jáne asyq bolatyn qundylyqtardy, ıaǵnı bes asyl is pen bes dushpandy osy kitaptan taptym. Bul eńbekti ar men namysymyzdyń kodeksi dep atar edim. «Ihsan – rýhanı tárbıe negizi» kitaby ulttyq ıdeologııamyzdyń negizi deýge bolady» dedi.
Aıta ketsek, «Mýftııat» baspasynan shyqqan jańa kitaptyń tusaýkeser rásimine QMDB Tóraǵasy, Bas múftı Naýryzbaı qajy Taǵanuly, Aqparat jáne qoǵamdyq damý vıtse-mınıstri Serik Egizbaev, memleket jáne qoǵam qaıratkerleri – Myrzataı Joldasbekov, Oralbaı Ábdikárimuly, Ádil Ahmetov, Baqytjan Ertaev, Ǵarıfolla Esim, Senat depýtaty Nurtóre Júsip, Májilis depýtaty Baqytbek Smaǵul, Halyqaralyq Túrki akademııasynyń prezıdenti Darhan Qydyráli, Ǵulamalar keńesiniń músheleri, Dinı basqarmanyń bólim basshylary men oblys ımamdary qatysty.
Ǵulamalar keńesi músheleri atynan Nur-Múbarak ýnıversıtetiniń prorektory Qaırat Qurmanbaev onlaın rejımde qutyqtaý lebizin jetkizdi.
Aıta ketsek, 5 myń danamen shyqqan «Ihsan – rýhanı tárbıe negizi» kitabynda «Jaratýshy Allaǵa ıhsan», «Tulǵalyq ıhsan», «Ihsan jáne qoǵam» syndy taraýlar qamtylyp, Islam ǵulamalarynyń ıhsan ilimi jaıly oı-tolǵamdary berilgen.
