XV RESPÝBLIKALYQ QARILAR BAIQAÝYNYŃ JEREBE TARTÝ RÁSIMI ÓTTI

Búgin Aqtóbe qalasynda XV respýblıkalyq «Quran Kárimdi jatqa jáne mánerlep oqý» baıqaýynyń jerebe tartý rásimi ótti.

Jerebe tartý rásiminde baıqaýdy uıymdastyrýshylar – qarılarǵa baıqaý sharttary men erejesin qosymsha eskertip ótti. Eki kúnge jalǵasatyn baıqaýǵa elimizdiń túkpir-túkpirinen 80 úmitker qatysýda. Aımaqtyq irikteý kezeńderinen úzdik shyqqan saıyskerler 4 atalym, ıaǵnı Quran Kárimniń 10, 20 jáne 30 parasyn jatqa oqý, sondaı-aq mánerlep oqý boıynsha synǵa túspek. Búgingi jerebe tartý rásimi barysynda úmitkerlerdiń rettik nómiri belgili boldy.

Qarılar baıqaýy 5-6 qyrkúıek kúnderi Aqtóbe oblystyq «Nur Ǵasyr» ortalyq meshitinde ótedi jáne jalpy kórermenge Dinı basqarmanyń «Mýftııat QMDB» YouTube-arnasynan jáne «MunaraTV» telearnasynan tikeleı kórsetilim usynylady.

Tikeleı Efır siltemesi: https://www.youtube.com/live/n4IiU_YXoJM?si=nNafin4yfYcN9kBL