«Zeket» qory 34 900 otbasyna 283 tonna qurbandyq etin úlestirdi (FOTO)

16 tamyz 2019 4178 0
Оqý rejımi

Qazaqstan musylmandary dinı basqarmasy janyndaǵy «Zeket» qory Qurban aıt merekesinde 283 tonna qurbandyq etin úlestirdi. Bul qaıyrymdylyq aktsııasy barlyq óńirlerde júzege asty. Atalǵan kómek az qamtylǵan jáne muqtaj, kóp balaly januıalarǵa, qarttar men múgedekterge kórsetildi.

Tek Almaty qalasy boıynsha 2,5 tonnaǵa jýyq et taratyldy. «Zeket» qorynyń bas keńsesi 300 otbasyǵa 10 qoı jáne 11 sıyrdyń etin syıǵa berdi. Qurbandyq shalý jáne taratý rásimi «Sultan» bazarynyń halal qasaphanasynda uıymdastyryldy. Kelýshilerge úlken dastarhan jaıylyp, qasıetti Qurban aıt merekesiniń qurmetine as berildi. Nur-Sultan qalasynda 200 otbasyna 1 tonna mólsherinde et berildi.

Jalpy alǵanda, Qazaqstan boıynsha «Zeket» qory arqyly 6 túıe, 743 iri qara jáne 8 538 qoı qurbandyqqa shalynyp, 283 tonnaǵa jýyq et taratyldy. 34 900 otbasyǵa syılanǵan et quny – 424 mıllıon teńge. Bul is-shara aıasynda 55 áleýmettik mekemelerge komek kórsetildi, olardyń ishinde: soqyrlar qoǵamdary, múmkindigi shekteýli jáne múgedekter úıleri, qarttar úıleri, mektepter jáne medreseler.

Aıta ketsek, «Zeket» qorynyń «El úlesi – páterge!» atty jobasy aıasynda el azamattary da Qurban aıt merekesinde syılyqsyz qalmady. Qasıetti meıramda QMDB-nyń Taldyqorǵan óńiri boıynsha «Zeket» qory 116-shy jáne 117-shi baspanany tabys etti. Bul jolǵy baspanalar Qabanbaı aýylyndaǵy jeti balanyń anasyna jáne Kóshkental aýylyndaǵy úsh qyz tárbıelep otyrǵan jalǵyzbasty múgedek anaǵa buıyrdy.

Pіkіrler Kіrý