«Zeket» qory «Ómirge úmit syıla» aktsııasyn bastady

09 shіlde 2020 4253 0
Оqý rejımi

QMDB-nyń «Zeket» qory «Ómirge úmit syıla» (Podarı nadejdý na jızn) atty aktsııany qolǵa aldy. Aktsııa aıasynda ottegige asa muqtaj naýqastarǵa (medıtsınalyq mekemelerge) jeldetkish qurylǵylar (IVL) tapsyrylady.

Dúnıeni dúrliktirgen indet elimizde de kún ótken saıyn órship, naýqastar men qaıtys bolǵandardyń sany artyp barady.

Tirshiliktegi adamǵa eń kerek nyǵmettiń biri aýa desek, indettiń kesirinen tynysy tarylyp, dem jetpeı jatqan jandardyń kóptigin kórip otyrmyz. Osy kúnderi birqatar el azamattary jomarttyq tanytyp, jasandy tynystandyrý quraldaryn (IVL) aýrýhanalarǵa jetkizýdi qolǵa aldy.

Syrqat jandardy dál osyndaı qurylǵylarmen qamtamasyz etý maqsatynda QMDB-nyń «Zeket» korporatıvtik qory «Ómirge úmit syıla» aktsııasy aıasynda birneshe ottegi apparatyn satyp alyp, naýqastarǵa járdem bermek. Bul apparat ottegi jetispegen adamdarǵa ómir syılaıtyny anyq.

Atalmysh aktsııaǵa elimizdiń kez kelgen turǵyny atsalysa alady. Ol úshin «Zeket» qory mamandarynyń nemese ár oblystaǵy ókilderiniń esepshotyna aqsha aýdarsa bolady.

«Zeket» qaıyrymdylyq qorynyń bas mamany:

Saltanat Qaldybekqyzy

Kaspi Gold:

5169 4971 9596 4915

Tel: +7 775 140 70 17

JSN: 980802400732

«Kóp tileýi kól bolar» demekshi, kóptiń qarjysyna alynǵan qurylǵylar sol óńirdiń aýrýhanalaryna jetkizilip, naýqas jandardyń ómirin saqtap qalýǵa kómek beriledi.

Pіkіrler Kіrý